غلام محمد
سوپور//شمالی قصبہ سوپور میں سنیچر کو نا معلوم جنگجوئوں نے پولیس پوسٹ کو گرینیڈ دھماکے سے اڑانے کی کوشش کی، جس کے نتیجے میں 2ایس پی اووز زخمی ہوئے۔ سنیچر بعد دوپہر مشتبہ مسلح افراد نے پولیس پوسٹ بس سٹینڈ سوپور پرگرینیڈ پھینکا، تاہم وہ نشانہ چوک کر سڑک پر زور دار دھماکے کے ساتھ پھٹ گیا ۔گرینیڈ دھماکے کے نتیجے میں پوسٹ پوسٹ کے قریب ڈیوٹی دے رہے دو پولیس اہلکار آہنی ریزے لگنے سے زخمی ہوئے جنہیں اسپتال منتقل کردیا گیا۔ایس پی سوپور نے کہا کہ مسلح جنگجوئوں نے پولیس چوکی کو نشانہ بنا کر گرینیڈ داغا جو نشانہ چوک کر دوسری جگہ پھٹ گیا ۔ انہوں نے بتایا کہ گرینیڈ حملے میں دو ایس پی اوز کو معمولی چوٹیں آئی جن کی شناخت محمد افضل اور آزاد احمد کے بطور ہوئی ۔ انہوںنے کہا کہ دونوں کو علاج و معالجہ کیلئے نزدیکی سب ضلع اسپتال منتقل کر دیا گیاجہاں سے ایک کو ابتدائی مرہم پٹی کے بعد گھر واپس روانہ کر دیا گیا ۔انہوں نے بتایا کہ معاملے کی نسبت کیس درج کرکے تحقیقات شروع کر دی ۔ انہوں نے بتایا کہ پورے علاقے کو محاصرے میںلیا گیا اور حملہ آوروں کی تلاش شروع کر دی گئی ہے ۔ ادھر پولیس ترجمان کی جانب سے موصولہ بیان کے مطابق بس اسٹینڈ سوپور میں عسکری واقع پیش آیا جہاں عسکریت پسندوں نے پولیس پوسٹ بس اسٹینڈ پر دستی بم پھینکا۔جس میں پولیس کے 02 اہلکار معمولی زخمی ہوئے ۔
Education Minister Dharmendra Pradhan Resigns Amid NEET-UG Row, Sends Resignation Letter to PM Modi
New Delhi, July 25 (JKNS): Union Education Minister Dharmendra Pradhan on Saturday announced that he has submitted his resignation to...
Read more
