جی آر بیگ میموریل ٹرسٹ کی جانب سے تھنہ منڈی راجوری میں میڈیکل کیمپ
پہلے دن 500کے قریب مریضوں کا علاج و معالجہ کیا گیا ، لوگوں نے کیمپ منعقد کرنے پر کیا شکریہ ادا
سرینگر/جی آر بیگ میموریل ٹرسٹ کی جانب سے آج تھنہ منڈی راجوری میں مفت طبی کیمپ کا انعقاد کیا گی جس میں جموں کشمیر کے بہترین ڈاکٹر صاحبان نے قریب 500مریضوںکا علاج و معالجہ کیا اور ان میں مفت ادویات بھی تقسیم کی گئیں۔ ادھر ٹرسٹ کے چیرمین اشتیاق بیگ نے کیمپ میں اپنی خدمات انجام دینے والے ڈاکٹروں اور اس میں معاونت کرنے والے افسران اور دیگر ملازمین کا شکریہ اداکیا۔ تفصیلات کے مطابق جی آر بیگ میموریل ٹرسٹ کی جانب سے آج تھنہ منڈی راجوری میں ایک میڈیکل کیمپ کا انعقاد کیا گیا اس کیمپ میں تھنہ منڈی کے دور دراز سے آئے ہوئے مریضوں کی بڑی تعداد نے شرکت کی جہاں پر بہترین طبی مشوروں سے نوازا گیا اور ان کا تشخیص کے بعد علاج و معالجہ کیا گیا ۔ میڈیکل کیمپ میں آنے والے مریضوں میں مفت ادوات بھی تقسیم کی گیں۔ اس میڈیکل کیمپ میں ڈاکٹر سادیا، ڈاکٹر عبدالحمید، ڈاکٹر آصف مرزا ، ڈاکٹر سجاد احمدکے علاوہ منظور احمد ، سہیل ، نذیر احمد نے بھی اپنا تعاون پیش کیا ۔ میڈیکل کیمپ کے انعقاد میں ایڈیشنل ڈائریکٹر سکمز پرویز کول اور ایڈیشنل ڈویژنل کمشنر قاضی سرور کا تعاون حاصل رہا ہے ۔ ادھر ٹرسٹ کے چیرمین اشتیاق بیگ نے اس کیمپ کے منعقد کرنے میں تعاون فراہم کرنے والے افراد بشمول میڈیا فرٹرنٹی کا تہہ دل سے شکریہ اداکیا ہے جبکہ انہوںنے کیمپ میں اپنی خدمات انجام دینے والے ڈاکٹروں کا بھی شکریہ اداکیا۔ ادھر مقامی لوگوں نے میڈیکل کیمپ منعقد کرنے پر منتظمین کا شکریہ اداکیا اور کہا کہ آئندہ بھی اس طرح کے طبی کیمپوں کا انعقاد ہونا چاہئے کیوں کہ تھنہ منڈی کے دور دراز علاقوں میں طبی سہولیات کا فقدان پایا جارہا ہے ۔ دریں اثناءجموں کشمیر جی آر بیگ میموریل ٹرسٹ کی جانب سے جہانگیر خان ضلع صدر راجوری نامزد کیا گیا ہے جنہوںنے اس ٹرسٹ میں شمولیت کرکے مسر ت کااظہار کرتے ہوئے بتایاکہ عام لوگوں کی خدمت اللہ کے قرب کو بڑھاتا ہے ۔
“Development and Conservation Can Always Go Hand in Hand”: VP Radhakrishnan
Dehradun, Aug 19 (JKNS): Vice President C. P. Radhakrishnan on Wednesday urged Indian Forest Service (IFS) probationers to strike a...
Read more
