سری نگر،6 اپریل (یو این آئی) گرمائی دارلحکومت سری نگر کے نوا کدل علاقے میں منگل کی صبح آگ کی ایک واردات میں کم سے کم 11 افراد زخمی ہوگئے۔
سرکاری ذرائع نے بتایا کہ نوا کدل کے تاربل علاقے میں منگل کی صبح معراج الدین متو کے رہائشی مکان سے آگ نمودار ہوئی جس کے شعلوں نے متصل ہی واقع شوکت احمد کے رہائشی مکان کو بھی اپنی لپیٹ میں لے لیا۔
انہوں نے بتایا کہ رہائشی مکان کی تیسری منزل پر ایک گیس سلنڈر پھٹنے سے مکان میں آگ لگ گئی اور اس کے نتیجے میں 11 افراد زخمی بھی ہوئے۔
ان کا کہنا تھا کہ فائر ٹنڈرس کے آگ کو قابو میں پانے سے قبل مکان کی تیسری منزل اور ایک متصل مکان کی کھڑکیوں کو بھی نقصان پہنچا تھا۔
مذکورہ ذرائع نے بتایا کہ زخمیوں کو فوری علاج و معالجے کے لئے ہسپتال منتقل کیا گیا جہاں ان کی حالت مستحکم بتائی جا رہی ہے۔
زخمیوں میں سے پانچ کی شناخت جاوید احمد متو، مظفر احمد متو، محمد انیس، محمد یعقوب وانی اور ادریس احمد وانی کے بطور ہوئی ہے۔
قابل ذکر ہے کہ سری نگر کے ہی ہفت چنار علاقے میں اتوار اور پیر کی درمیانی شب آگ کی ایک بھیانک واردات میں ماں بیٹے کی جھلس کر موت واقع ہوئی جبکہ چھ رہائشی مکان بھی مکمل طور پر خاکستر ہوگئے۔
یو این آئی
Education Minister Dharmendra Pradhan Resigns Amid NEET-UG Row, Sends Resignation Letter to PM Modi
New Delhi, July 25 (JKNS): Union Education Minister Dharmendra Pradhan on Saturday announced that he has submitted his resignation to...
Read more
