سری نگر، 6 اپریل (یو این آئی) وادی کشمیر میں محکمہ موسمیات کی پیش گوئی کے عین مطابق بالائی علاقوں میں کہیں کہیں ہلکی برف باری جبکہ میدانی علاقوں میں بارش کا سلسلہ جاری ہے۔
محکمہ موسمیات کے مطابق وادی کشمیر میں 7 اپریل کی دوپہر تک موسمی صورتحال جوں کی توں رہ سکتی ہے۔
متعلقہ محکمے کے علاقائی ناظم سونم لوٹس نے بتایا کہ جموں و کشمیر کے بالائی علاقوں میں ہلکی برف باری جبکہ میدانی علاقوں میں بارشوں کا سلسلہ جاری ہے۔
انہوں نے بتایا کہ جموں وکشمیر میں 7 اپریل کی دو پہر تک موسمی صورتحال جوں کی توں رہ سکتی ہے تاہم بعد ازاں موسم میں بتدریج بہتری واقع ہونے کا امکان ہے۔
انہوں نے مزید بتایا کہ گزشتہ چوبیس گھنٹوں کے دوران لداخ شاہراہ پر واقع زوجیلا میں بھاری برف باری ہو سکتی ہے۔
ادھر وادی میں منگل کے روز موسمی صورتحال دن بھر دگرگوں رہی۔ کبھی ہلکی تو کبھی موسلادھار بارشیں ہوئیں۔
وادی میں بارشوں سے ایک بار پھر سڑکیں کیچڑ اور پانی سے بھر گئی ہیں جس سے پیدل سفر کرنے والوں کا چلنا پھرنا مشکل ہوگیا ہے۔
لوگوں کا کہنا ہے کہ معمولی بوندا باندی سے سڑکیں کیچڑ اور پانی سے بھر جاتی ہیں جس کی بنیادی وجہ ناقص ڈرینیج سسٹم ہے۔
محکمہ موسمیات کے مطابق گرمائی دارالحکومت سری نگر میں کم سے کم درجہ حرارت 8.8 ڈگری سینٹی گریڈ ریکارڈ کیا گیا ہے۔
وادی کے مشہور زمانہ سیاحتی مقام گلمرگ میں کم سے کم درجہ حرارت 0.8 ڈگری سینٹی گریڈ جبکہ وادی کے دوسرے مشہور سیاحتی مقام پہلگام میں کم سے کم درجہ حرارت 5.9 ڈگری سینٹی گریڈ ریکارڈ کیا گیا۔
سرحدی ضلع کپوارہ میں کم سے کم درجہ حرارت 6.4 ڈگری سینٹی گریڈ جبکہ قاضی گنڈ میں کم سے کم درجہ حرارت 8.0 ڈگری سینٹی گریڈ اور ککر ناگ میں کم سے کم درجہ حرارت 6.8 ڈگری سینٹی گریڈ ریکارڈ ہوا ہے۔
لداخ یونین ٹریٹری کے ضلع لیہہ میں کم سے کم درجہ حرارت منفی 1.6 ڈگری سینٹی گریڈ جبکہ ضلع کرگل میں کم سے کم درجہ حرارت منفی 2.2 ڈگری سینٹی گریڈ اور قصبہ دراس میں کم سے کم درجہ حرارت ممنفی 0.4 ڈگری سینٹی گریڈ ریکارڈ کیا گیا۔
یو این آئی
Medical Technologies Should Be Affordable, Accessible and Meaningful to Society: AIIMS Guwahati President
Dehradun, Sept 14 (JKNS): Dehradun! Medical technology should not be developed merely for technological advancement; its ultimate objective must...
Read more
