اننت ناگ/20اگست/جے کے این ایس/جاویدگل۔
سی آر پی ایف کی 40ویں بٹالین اور منسپل کونسل اننت ناگ کی باہمی اشتراک سے دریائے جہلم کے کنارے ،سپورٹس اسٹیڈیم اننت ناگ کے نزدیک شجرکاری کے دوران 200 سے زائد پودے لگائے گئے. اس موقع پر سی آر پی ایف 40 بٹالین کے کمانڈنگ آفسر
آر ڈبلیو ( R. w ) داوا اور منسپل کونسل اننت ناگ کے چئیرمین ہلال احمد شاہ کے علاوہ دوسرے آفسران بھی موجود تھے ۔ جے کے این ایس سے بات کرتے ہوئے چئیرمین منسپل کونسل اننت ناگ ہلال احمد شاہ نے کہا کہ یہاں پر کچرا جمع کیا جاتا تھا اور لوگوں کی دھیرانا مانگ تھی کہ یہاں پر صفائی کرائی جائے اور منسپل کونسل نے لوگوں کی مانگ کو پورا کرتے ہوئے نہ صرف مزکورہ مقام پر صفائی کرائی بلکہ اس جگہ کو خوبصورت بنانے کی غرض سے 200 کے قریب دیودار کے پودے بھی لگائے گئے۔ انہوں نے مزید کہا کہ کھیل کود سے وابستہ قصبہ کے کھلاڈیوں کو اب کھیلتے وقت منہ ڈھکنے کی ضرورت نہیں، کیوںکہ مزکورہ جگہ کو خوبصورت اور جازب نظر بنانے کی غرض سے منسپل کونسل نے ہنگامی بنیادوں پر اقدامات اٹھائے۔
