|
ڈی جی پی نے متوفی پولیس اہلکاروں،ایس پی او ز کے اہلخانہ کے کے حق میں خصوصی وطبی امداد کے طور پر 77.20 لاکھ روپے سے زائد رقم کو منظوری دی
جموں 15 مارچ: پولیس اہلکاروں ،ایس پی اوز کے اہل خانہ کو مالی امداد فراہم کرنے کی اپنی کوششوں کو جاری رکھتے ہوئے، ڈائریکٹر جنرل آف پولیس، شری دلباغ سنگھ نے دوران ڈیوٹی فوت ہونے والے پولیس اہلکاروں کے ورثاء کے حق میں خصوصی امدادکے طور پر 66 لاکھ روپے منظور کئے ہیں۔ جبکہ ایس پی اوز کے حق میں بطور مالی مدد یا طبی امداد11.20 لاکھ روپے سے زیادہ رقم کو بھی منظوری دی ہے۔
پولیس ہیڈ کوارٹرز کی جانب سے جاری کردہ الگ الگ حکمناموں کے مطابق ڈی جی پی نے متوفی پولیس اہلکاروں ایچ سی گرداری لال، ایس جی سی ٹی ریاض احمد اور فالور سنجے کمار کے زیر کفالت افراد،قانونی ورثاء کے حق میں فی کس 22 لاکھ روپے کی خصوصی فلاحی امداد منظورکی ہے۔
متوفی پولیس اہلکاروں کے لواحقین کو متعلقہ یونٹوں کے ذریعے ان کے آخری رسومات کی ادائیگی کے لیے ایک ایک لاکھ روپے پہلے ہی ادا کیے جا چکے ہیں۔ خصوصی ویلفیئر ریلیف کنٹریبیوٹری پولیس ویلفیئر فنڈ سے منظور کیا گیا ہے ۔
اس سلسلے میں پولیس ہیڈ کوارٹرز کی طرف سے جاری کردہ ایک اور حکم کے مطابق 38ایس پی اوز کے حق میں چار ہزار سے لیکر پچاس ہزار روپے تک کی رقم کو بطور مالی یا طبی امداد کے طور پر منظوری دی گئی ہے۔ یہ رقم ایس پی اوز کنٹریبیوٹری اور پولیس پریوار فنڈ سے واگزار کی گئی ہے۔
یہاں یہ بات قابل ذکر ہے کہ پولیس ہیڈ کوارٹر اپنے اہلکاروں اور ان کے اہل خانہ کی فلاح و بہبود کے لیے بہت سی اسکیمیں چلا رہا ہے۔ پولیس اہلکاروں اور ایس پی اوز کے بچوں کے لیے بھی اسکیمیں ہیں۔ اس کے علاوہ شہداء کے لواحقین، ان کے بچوں اور ریٹائرڈ پولیس اہلکاروں اور ان کی اہلخانہ کے لیے بھی اسکیمیں ہیں جس سے ہزاروں کی تعداد میں پولیس اہلکار اور ان کے اہلخانہ مستفید ہو رہے ہیں۔
|
|
“Zehanpora Site Can Emerge as Major Cultural Asset, Tourist Attraction”: CS Dulloo
Uri, Aug 29 (JKNS): Chief Secretary of Jammu and Kashmir Atal Dulloo on Saturday visited the historic 2,000-year-old Buddhist archaeological...
Read more
