سرینگر 20 جنوری// پولیس نے لاپتہ نوجوانوں کو گرفتار کیا جو حال ہی میں دہشت گرد صفوں میں شامل ہوا تھا۔
پولیس نے 44RR اور 183Bn CRPF کے ساتھ پچہار راج پورہ پلوامہ میں قائم ایک ناکےپر ایک مشکوک شخص کو روکنے کا اشارہ کیا، جن نےناکہ پارٹی سے فرار ہونے کی کوشش کی اور مشترکہ ناکہ پارٹی پر فائرنگ کرنے کی بھی کوشش کی۔ تاہم چوکس ناکہ پارٹی نے اسے تدبیر سے پکڑ لیا۔ جس کی شناخت راحیل شوکت ڈار ولد شوکت احمد ڈار ساکن دُربگام پلوامہ راج پورہ کے بطور ہوئی ہے۔
قابل ذکر بات یہ ہے کہ وہ حال ہی میں لاپتہ ہوا تھا جس کے بارے میں اس کے اہل خانہ نے پولیس اسٹیشن راج پورہ میں گمشدگی کی رپورٹ درج کروائی تھی اور حال ہی میں دہشت گرد صفوں میں شامل ہوا تھا۔
اس کی ذاتی تلاشی کے دوران اس کے قبضے سے ایک پستول اور کئی راؤنڈز برآمد ہوئے۔
اس سلسلے میں، قانون کی متعلقہ دفعات کے تحت ایف آئی آر نمبر 04/2022 کے تحت پولیس اسٹیشن راجپورہ میں ایک کیس درج کیا گیا ہے اور مزید تفتیش شروع کی گئی ہے۔
