سرینگر ، 08 ستمبر: آنشور سیکورٹی کوآرڈینیشن کمیٹی (او ایس سی سی) کا اجلاس بدھ کو سری نگر میں ڈائریکٹر جنرل پولیس شری دلباغ سنگھ کی صدارت میں منعقد ہوا ،
اجلاس میں آئی جی پی کشمیر شری وجے کمار ، ڈی آئی جی بی ایس ایف سرینگر ، شری ایم اے جوئی ، راجن کمار موہپترا ڈی ایچ آر انڈین آئل کارپوریشن لمیٹڈ کے کنوینر او ایس سی سی جے اینڈ کے ، شری سوجے چوہدری ای ڈی اور ایس ایچ پنجاب اسٹیٹ آفس انڈیا آئل کارپوریشن ، نوڈل آفیسر جے اینڈ کے ، شری نثار احمد جوائنٹ ڈائریکٹر جیولوجی اینڈ مائنز کے علاوہ دیگر افسران نے شرکت کی۔
ایس سی سی جے اینڈ کے یو ٹی کے چیئرمین شری دلباغ سنگھ نےاپنےخطاب میں ، میٹنگ منعقد ہونے پر خوشی کا اظہار کیا اور کہا کہ اجلاس کوویڈ 19 کی وجہ سے گزشتہ دو سالوں کے دوران منعقد نہیں ہو سکا۔ انہوں نے پولیس اور سیکورٹی فورسز کے افسران اور آئی او سی کے افسران/ اہلکاروں کے درمیان آپسی تعاون کی سراہنا کی جو کے اثاثوں اور اس کے آپریشنز کو محفوظ بنانے کے لیے اہم ہے۔
ڈی جی پی نے مختلف مقامات پر جموں و کشمیر میں تیل اور گیس کے بنیادی ڈھانچے کو فراہم کی جانے والی سیکیورٹی کا جائزہ لیا۔ انہوں نے افسران پر زور دیا کہ وہ سی سی ٹی وی سسٹم کو اپ گریڈ کرکے ٹیکنالوجی استعمال کریں۔ انہوں نے پولیس ، آئی او سی اور ضلعی انتظامیہ کے درمیان باقاعدہ رابطہ اور ملاقاتوں پر بھی زور دیا انہوں نے کہا کہ جموں و کشمیر میں سول/پولیس افسران اور آئل انڈسٹری کے مینیجرز کی باقاعدہ بات چیت اور خیالات کے تبادلہ کی ضرورت پر زور دیتے ہوئے ہوئے کہا یہ کافی معاون ثابت ہوگا۔ ڈی جی پی نے بتایا کہ امن و امان کی کسی بھی صورتحال کے دوران پولیس اور ضلعی انتظامیہ پٹرولیم مصنوعات کے آپریشن اور تقسیم کے لیے خصوصی انتظامات کرتی ہے۔
