موسم ساز گار اور شاہراہ کی حلات ٹھیک رہنے کی صورت م
آج گاڑیاں سری نگرسے جموں کی طرف روانہ ہونگی
سری نگر:۲،فروری:جے کے این ایس :موسم بہتر رہنے اورشاہراہ کی حالت ٹھیک ہونے کی صورت میں 3فروری کے روز گاڑیوں کوسری نگرسے جموں کی طرف روانہ ہونے کی اجازت ہوگی ،تاہم اس دوران کسی بھی گاڑی کومخالف سمت سے چلنے کی اجازت نہیں ہوگی ۔ جے کے این ایس کے مطابقٹریفک پولیس ہیڈکوارٹرکی جانب سے 3فروری بروزبدھ کیلئے جاری ٹریفک پلان اورایڈوائزری میں بتایاگیاہے کہ موسم بہتررہنے اورسری نگرجموں شاہراہ کی حالت ٹھیک ہونے کی صورت میں بدھ کے روز گاڑیاں سری نگرسے جموں روانہ ہوسکتی ہیں ۔ جبکہ اس دوران بانہال اوررام بن کے درمیان مقامی سطح پر بھی گاڑیوں کوچلنے کی اجازت دی جائیگی ۔ تاہم کسی بھی گاڑی کوشاہراہ پرمخالف سمت سے چلنے کی اجازت نہیں ہوگی ۔ ٹریفک پولیس ہیڈکوارٹر نے ٹی سی یوسری نگر سے ٹی سی یورام بن کیساتھ قریبی رابطے میں رہنے کی ہدایت دی ہے تاکہ وہ سری نگرسے گاڑیوں کوجموں کی طرف جانے کی اجازت دینے سے پہلے شاہراہ کی صحیح حالت اورموسمی صورتحال کے بارے میں تازہ جانکاری حاصل کرسکیں ۔ ساتھ ہی ٹریفک پولیس نے پھرکہاہے کہ کیلا موڑ کے نزدیک بنائے گئے بیلے برج سے صرف وہی مال بردارگاڑیاں جاسکتی ہیں ،جن میں 40میٹرک ٹن تک کاوزن لدایابھراہوا ہو ۔ بیان میں ٹریفک پولیس ہیڈکوارٹر نے یہ بھی واضح کیاہے کہ شاہراہ کھلی یاقابل آمدورفت رہنے کی صورت میں سری نگرسے روانہ ہونے والی گاڑیوں کوقاضی گنڈزگ کامقام صبح 8بجے سے دن کے12بجے تک پارکرناہوگا ۔ بیان میں سیکورٹی ایجنسیوں سے کہاگیاہے کہ اُن کی گاڑیاں بھی شاہراہ کھلی رہنے کی صورت میں بدھ کے رو زسری نگرسے جموں روانہ ہوسکتی ہیں تاہم کسی بھی سیکورٹی گاڑی یاقافلے کومخالف سمت سے آنے کی اجازت نہیں ہوگی ۔ ٹریفک پولیس ہیڈکوارٹرکی جانب سے پیشگی اطلاع دی گئی ہے کہ4فروری بروز جمعرات کوضروری مرمت کیلئے سری نگرجموں شاہراہ بندرہے گی ۔
