جموں ;223;31;241;جنوری 2021 ء;247;
جموں کے عوام کی قوم کی خدمت اور ملک کی سا لمیت کے لئے اپنی جانوں کا نذرانہ پیش کرنے کی ایک عظیم تاریخ ہے ۔ اِن باتوں کا اِظہار آج لیفٹیننٹ گورنر کے مشیر فاروق خان نے 31 ;241;جنوری 1953 ء کوایک پرچم ، ایک آئین ، ایک قومی تحریک کے دوران اپنی جانیں نچھاور کرنے والے شہدا کو گلہائے عقیدت پیش کرتے ہوئے کیا ۔
شہدا کو خراج عقیدت پیش کرتے ہوئے مشیر نے ان کی بہادری اور عظیم قربانی پر انہیں سلام پیش کیا اور نوجوانوں کو قوم کے وقار کے تحفظ کے عہد کے ساتھ ان کے نقش قدم پر چلنے کی تلقین کی ۔ مشیر نے نوجوانوں سے بھی اپیل کی کہ وہ اپنے اپنے شعبوں میں سخت محنت کریں اور مطلوبہ اہداف کے حصول کے لئے معاشرتی برائیوں سے دور رہیں ۔ انہوں نے مزید کہا کہ ایک خوشحال معاشرے اور قوم کے لئے ایک فعال نقطہ نظر اور عوامی شراکت ناگزیر ہے ۔
مشیر نے لوگوں کو قومی تعمیراتی عمل میں حصہ لینے اور شہدا کو سچی خراج تحسین پیش کرنے کے لئے معاشرتی برائیوں کے خلاف مل کر کام کرنے پر زور دیا ۔ انہوں نے کہا کہ سماج سے تعلق رکھنے والے سبھی اَفراد کو اَپنے شہدا کو فراموش نہیں کرنا چاہئے اور نوجوان پود کو قربانیوں اور مادر وطن کی خدمت کے حوالے سے ان کی بہادری کہانیوں کے بارے میں معلوم ہونا چاہئے ۔
اِس موقعہ پر مشیر نے محکمہ زراعت پروڈکشن اینڈ فارمرس ویلفیئر جوریاں میں منعقدہ ایگریکلچر ٹیکنالوجی مینجمنٹ ایجنسی (اے ٹی ایم اے) کے تحت ایک روزہ کسان میلے کا اِفتتاح بھی کیا ۔
لوگوں سے خطاب کرنے کء دوران فاروق خان نے کہا کہ اس قسم کے میلے کسانوں کو نئی ٹیکنالوجی اور اعلیٰ پیداوار بخش بیج کی مختلف پیداوار کے بارے میں زراعت اور اس سے وابستہ شعبوں میں متعارف کروانے کے لئے حساسیت کے لئے بہت اہمیت کے حامل ہیں ۔
مشیر نے کہا کہ ایل جی اِنتظامیہ جموں و کشمیر یوٹی کو زراعت کی پیداوار میں خود کفیل بنانے کے خواہاں ہے ۔ اُنہوں نے مزید کہا کہ اِس مقصد کے لئے مرکزی اور یوٹی حکومتوں کی جانب سے کسانوں کی فلاح و بہبود اور ترقی کے علاوہ مختلف سکی میں شروع کی گئی ہیں ۔ اُنہوں نے کسانوں پر زور دیا کہ وہ ان پروگراموں اور سکیموں سے زیادہ سے زیادہ استفادہ کرنے کے لئے آگے آئیں ۔
اِس موقعہ پرسابق نائب وزیر اعلیٰ ڈاکٹر نرمل سنگھ ، سابق قانون ساز رویندر رانا ، شام لال شرما ، ڈاکٹر کرشن لال بھگت ، آر ایس پٹھانیہ ، متعلقہ محکموں کے سینئر افسران ، پرجا پریشد امر شہید سمارک، بڑی تعداد میں کسان موجود تھے ۔