نئی دہلی،28جنوری (اے یو ایس ) دہلی کے وزیر اعلی اور عام آدمی پارٹی آپ کے کنوینر اروند کیجریوال نے کہا ہے کہ 26 جنوری کو یوم جمہوریہ کے موقع پر کسان ٹریکٹر ریلی کے دوران تشدد ہوا تھا یہ افسوس ناک ہے۔ انہوں نے کہا کہ اس تشدد میں جو بھی رہنما یا پارٹی ملوث تھی ان کے خلاف سخت کارروائی کی جانی چاہئے۔ آپ کی قومی کونسل کے اجلاس سے خطاب کرتے ہوئے کیجریوال نے کہا اس دن جو کچھ بھی ہوا اس تحریک کا خاتمہ نہیں ہوسکتا۔ ہم سب کو مل کر کسانوں کا پرامن طور پر ساتھ دینا ہوگا۔ انہوں نے لوگوں سے اپیل کی کہ جب بھی آپ کسانوں کے پاس جائیں تو اپنا جھنڈا ، لاٹھی اور ہیٹ چھوڑیں۔ عام شہری کی حیثیت سے ان کے پاس جائیںوہاں کوئی سیاست نہیں کی جا سکتی ہے۔ادھر ان کی پارٹی نے کہا ہے کہ عام آدمی پارٹی کل سے شروع ہونے والے پارلیمنٹ کے بجٹ اجلاس میں کسانوں کی تحریک کی حمایت میں صدر کے خطاب کا بائیکاٹ کرے گی۔ واضح رہے کہ عام آدمی پارٹی پہلے ہی زرعی قوانین کے مخالف ہے۔ ستمبر کے مہینے میں جب زراعت بل پارلیمنٹ میں منظور ہوا تھا تو آپ نے اس کی سخت مخالفت کی تھی۔
PM Modi Presents Russian Translation of Thirukkural to Putin, Holds Talks on Strengthening India-Russia Ties
Srinagar, Sept 11 (JKNS): Prime Minister Narendra Modi said he presented a Russian translation of the sacred Thirukkural by...
Read more
