نیوز ڈیسک
جموں//فائنانشل کمشنر صحت و طبی تعلیم اَتل ڈولونے آیوشمان بھارت۔پردھان منتری جن آروگیہ یوجنا ایس ای ایچ اے ٹی سکیم (AB-PMJAY-SEHAT) کا جائزہ لے کر مستحقین کا اندراج اور جموںوکشمیر میں گولڈن کارڈوں کے اجرا ٔکا مفصل جائزہ لیا۔فائنانشل کمشنر نے اِس ضمن میں منعقدہ میٹنگ میںAB-PMJAY-SEHAT سکیم کے تحت صحت کارڈ فوری طور تمام درج شدہ مستحقین کے حق میں جاری کر نے پر زور دیا اوربی آئی ایس پورٹل پر باقی ماندہ مستحقین کا اندراج کرنے کے لئے کہا۔میٹنگ میں ایس ای ایچ اے ٹی سکیم کے لئے اندراج میں سرعت لانے کے لئے طریقۂ کار پر مفصل غور و خوض ہوا اور تمام ڈپٹی کمشنروں کو مستحقین کے اندراج میں اِضافہ کرنے کی ہدایت دی گئی ۔ اُنہوں نے متعلقہ حکام کو سکیم کے تحت اندراج میں سرعت لانے کے لئے بڑے پیمانے پر مختلف محکموں کے تعاون سے جانکاری مہم شروع کرنے کی بھی ہدایت دی ۔دوران میٹنگ فائنانشل کمشنر کو رجسٹریشن عمل اور گولڈن کارڈس سے متعلق اعداد وشمار کی تفصیل دی گئی ۔تفصیلات کے مطابق سکیم شروع ہونے سے لے کر اَب تک جموںوکشمیر کے 3080305 شہریوں کا سکیم کے تحت اندراج پہلے ہی ہوا ہے جبکہ 2397677 اہل مستحقین کے حق میں گولڈن کارڈ جاری کئے گئے ۔واضح رہے سکیم وزیر اعظم نے 26 ؍دسمبر 2020کو شروع کی گئی جس کا مقصد ہر کنبے کو پانچ لاکھ روپے کا صحت بیمہ فراہم کرنا ہے جس کے لئے جموںوکشمیر میں پانچ ہزار کامن سروسز سینٹر کا قیام عمل میں لاکر اندراج کا سلسلہ شروع ہوا ۔ فائنانشل کمشنر نے تمام میڈیکل سپر اِنٹنڈنٹ اور چیف میڈیکل افسران کو ہدایت دی کہ وہ آئی پی ڈی مریضوں کو سکیم کے تحت فوائد فراہم کریں ۔انہیں مزید ہدایت دی گئی کہ وہ رجسٹریشن عمل میںاِ ضافہ کرنے کے لئے خصوصی کیمپوں کا اِنعقاد کر یں اور دعوئوں کر بروقت پیش کر کے جانچ پڑتال کا بروقت جواب دیں ۔انہیں ہدایت دی گئی کہ وہ صحت سکیم کے تحت اندراجات سے متعلق رپورٹ یومیہ بنیاد پر پیش کریں۔فائنانشل کمشنرنے بیمہ کمپنیوںکو غیر ضروری سوالات اٹھائے بغیر ہسپتالوں کے حق میں واجبات اداکریں۔انہوں نے کہا کہAB-PMJAY-SEHAT سکیم جموںوکشمیر حکومت کی ایک اہم سکیم ہے اور شہریوں کے جانب معروف جموںوکشمیر درج ہسپتالوں کا اس سکیم سے استفادہ کرنے پر باعث اطمینا ن ہے۔
