سرینگر/08اکتوبر/سکمز ڈائریکٹر پروفیسر پرویز کول کی ہدایت پر صورہ سکمز کی جانب سے میلاد النبی کے سلسلے میں درگاہ حضرتبل میں 8اکتوبر کو میڈیکل کیمپ لگایا گیا جبکہ یہ کیمپ 9اکتوبر کے علاوہ 14اکتوبر بروز جمعہ کو بھی لگایا جارہا ہے ۔ آج کے میڈیکل کیمپ میں درگاہ حضرتبل آنے والے ذائرین کو طبی سہولیت فراہم کرنے کے علاوہ ماسک اور مفت سینی ٹائزر تقسیم کئے گئے ۔ جبکہ مریضوں اور دیگر ذائرین کو ریڈیولوجیکل، فارمیسی، ڈریسنگ اور ایمرجنسی نرسنگ کی سہولیات فراہم کی جارہی ہیں۔ حضرتبل درگاہ میں منعقدہ کیمپ کے دوران ڈائریکٹرسکمز پروفیسر پرویز کول وقت وقت پر کیمپ سے متعلق جانکاری حاصل کرتے رہے ہیںاس دوران کیمپ میں میڈیکل سپر انٹنڈنٹ ڈاکٹر فاروق جان کے علاوہ دیگر عہدیداروں نے بھی شرکت کی اور کیمپ میں آنے والے لوگوں کو فراہم کی جانے والی طبی سہولیات کا جائزہ لیا ۔ ڈائریکٹر سکمز نے اس موقعے اپنے پیغام میں کہاکہ عید میلاد النبی کی تقریب سید پوری عالم انسانیت کےلئے ایک مقدس تقریب ہے کیوں کہ محسن انسانیت کی ولادت پوری دنیا کے لوگوںکےلئے باعث رحمت تھی ۔ انہوںنے کہا کہ لوگوں کے دکھ درد میں شریک ہونا محسن انسانیت نے ہمیں سکھایا ہے اور اگر ہم اپنے پروفیشن کو ایمانداری کے ساتھ انجام دیں گے تو یہ ہمارے لئے عبادت سے کم نہیں کیوں کہ طبہ شعبہ انسانی بقاءاور انسانیت کو بچانے میںرول اداکرتا ہے ۔ا نہوں نے کہا کہ ہماری یہ ترجیح رہتی ہے کہ ہم ہر اُس جگہ پر اپنی خدمات انجام دیں جہاں پر مذہبی عقیدے کے تحت تقریبات منعقد کی جاتی ہیں۔ ادھر جی آر بیگ میموریل ٹرسٹ کے چیرمین اور نگوا صدر اشتیاق بیگ نے بھی اس میڈیکل کیمپ میں مریضوں کو دی جانے والی طبی سہولیات کی نگرانی کی ۔
