پیر زادہ سعید
سرینگر //دارلعلوم کنڈی کرناہ میں زیر تعلیم بچوں کی صلاحیت سازی اورانہیں بولنے کا ہنر سکھانے کےلئے ایک دینی مجالس کا اہتمام کیا گیا جس میں علاقہ کے معززیں کے علاوہ علماءکرام نے شرکت کی ۔اس موقعہ پر بچوں نے مختلف موضوعات پر خطاب کیا جنہیں وہاں موجود شرکاءنے خوب سراہا اور مبارکباد پیش کی،علماءکرام نے اس دوران طلباءپر زور دیا کہ وہ اپنے کل کو سنوارنے کےلئے اپنے آج کو بہتر بنائیں ۔مقررین نے اس دوران خوشی کا اظہار کرتے ہوئے کہا کہ علاقے کے دینی اداروں میں ایسے پروگرام منعقد کرائے جاتے ہیں اور ان پروگراموں کے نتیجے میں سماج کو اچھے اور ہنر مند اور اعلیٰ تعلیم یافتہ نوجوان مل رہے ہیں۔انہوں نے کہا کہ بچوں کو یہ ایک ہنر سکھانا انہیں کامیاب بنائے گا ۔ انہوں نے کہا کہ موجودہ دور میں سماجی برائیوں نے سماج کو کھوکھلا کر دیا ہے اور ایسا تب ہوا ہے ،جب ہم لوگ دین سے دوری اختیار کر چکے ہیں ۔بچوں نے اس دوران شب برات ، روزہ اور نماز کی فضیلت ، زکات دینے کے فوائد کے علاوہ سماجی بُرائیوں پر خطاب کیا ۔ننے بچوں کی اداہ کی جانب سے حوصلہ افزائی بھی کی گئی ۔مدرسہ کے منتظم قاری ارشد حسین نے اپنے خطاب میں کہا کہ دارلعلوم کنڈی ایک قدیم ادارہ ہے جہاں سے ابھی تک ہزاروں بچوں نے قرآن کی تعلیم حاصل کی ہے اور وہ اب ضلع کے مختلف مدارس میں بچوں کو دینی تعلیم دے رہے ہیں ۔انہوں نے کہا کہ یہ ادارہ گذشتہ 28برسوں سے کامیابی کے ساتھ آگے بڑ ھ رہا ہے ۔انہوں نے کہا کہ ادارے میں بچوں کو صرف قرآن کی تعلیم ہی نہیں دی جاتی ،بلکہ انہیں بولنے کا ہنر بھی سکھایا جاتا ہے، تاکہ انہیں مستقبل میں تقرریں کرنے میں کوئی پریشانی نہ ہو ۔انہوں نے کہا کہ بچوں کو مختلف موضواعات دئے جاتے ہیں، جن پر وہ تیاری کرتے ہیں اور پھر سال میں ایک مرتبہ مدرسہ کی جانب سے ایسی تقریب منعقد ہوتی ہے جس میں وہ خطاب کرتے ہیں ۔انہوں نے کہا کہ مستقبل میں بھی دینی ادارہ ایسے ہی پروگراموں کا اہتمام کرے گا تاکہ زیادہ سے زیادہ بچوں کو بولنے کا ہنر سکھایا جائے ۔ دینی تعلیم کے تئیں مدرسہ کی کوششوں کو سرہتے ہوئے مقامی لوگوں نے مدرسہ کے اساتذہ کا شکریہ ادا ک
