سری نگر، 10 مئی کورونا کیسز میں ہو رہے غیر معمولی اضافے کے پیش نظر وادی کشمیر کے سب سے بڑے ہسپتال شیر کشمیر انسٹی ٹیوٹ آف میڈیکل سائنسز صورہ (سکمز) نے بھی او پی ڈی خدمات بند کرنے کا اعلان کیا ہے۔
ادارے کے ایک اعلیٰ عہدیدار نے بتایا کہ کورونا کیسز میں ہو رہے اضافے کے پیش نظر ہسپتال میں او پی ڈی خدمات کو بند کیا گیا ہے تاہم ایمرجنسی خدمات حسب معمول کام کریں گی۔
انہوں نے بتایا کہ ادارہ نے ٹیلی کنسلٹیشن شروع کرنے کا فیصلہ لیا ہے۔
دریں اثنا ادارے کی پی آر او کلثوم بٹ نے تصدیق کرتے ہوئے کہا ہے کہ ہسپتال میں او پی ڈی خدمات بند رہیں گی تاہم ایمرجنسی خدمات حسب معمول کام کریں گی۔
انہوں نے کہا کہ ادارے نے ٹیلی کنسلٹیشن شروع کی ہے اور لوگوں کو اس کے لئے ہیلپ لائن نمبروں پر رابطہ کرنا چاپئے۔
بتا دیں کہ کورونا مریضوں کی بڑھتی ہوئی تعداد کے پیش نظر ادارے نے ماہ رواں کی آٹھ تاریخ کو غیر ایمرجنسی جراحیوں کو معطل کیا تھا۔
