100 روزہ “نشہ مکت جموں و کشمیر ابھیان” کے سلسلے کو جاری رکھتے ہوئے سوپور پولیس نے ضلع پولیس سوپور کے مختلف علاقوں میں منشیات مخالف بیداری اور عوامی رابطہ سرگرمیوں میں مزید تیزی لائی ہے، تاکہ نوجوانوں کو منشیات کے مضر اثرات سے آگاہ کیا جا سکے اور صحت مند و منشیات سے پاک معاشرے کو فروغ دیا جا سکے۔
مہم کے تحت گورنمنٹ ہائر سیکنڈری اسکول ہائیگام میں 4 کلومیٹر طویل “رن اینڈ واک میراتھن” کا انعقاد کیا گیا، جس کا مقصد جسمانی فٹنس کو فروغ دینا اور “منشیات کو نہ، زندگی کو ہاں” کا پیغام عام کرنا تھا۔ اس میراتھن میں سینکڑوں طلبہ اور اساتذہ نے جوش و خروش کے ساتھ شرکت کی اور منشیات سے دور رہنے کا عہد کیا۔
اس کے علاوہ اقرا پبلک اسکول نورگاہ شیر کالونی سوپور اور گورنمنٹ مڈل اسکول بن پورہ زالورہ میں بھی منشیات مخالف بیداری پروگرام منعقد کیے گئے، جہاں طلبہ کو نشہ آور اشیاء کے نقصانات، ذہنی صحت، ہم عمروں کے دباؤ اور درست زندگی کے انتخاب کی اہمیت کے بارے میں آگاہ کیا گیا۔ اسی دوران پولیس اسٹیشن پانزلہ میں بھی ایک خصوصی آگاہی پروگرام کا انعقاد کیا گیا، جس کا مقصد مقامی نوجوانوں اور عوام کو منشیات کے خلاف اجتماعی جدوجہد میں شامل کرنا تھا۔
ان پروگراموں میں طلبہ، اساتذہ، سماجی شخصیات اور مقامی شہریوں نے بڑی تعداد میں شرکت کی، جس سے منشیات مخالف مہم کے حق میں عوامی تعاون میں اضافہ ظاہر ہوا۔
سوپور پولیس نے اس موقع پر واضح کیا کہ منشیات فروشوں کے خلاف سخت کاروائیوں کے ساتھ ساتھ بیداری، روک تھام اور عوامی رابطہ مہم بھی “نشہ مکت جموں و کشمیر ابھیان” کی حکمت عملی کے اہم ستون ہیں۔
پولیس نے اس عزم کا اعادہ کیا کہ عوامی تعاون اور منشیات کے خلاف مضبوط کارروائیوں کے ذریعے ایک محفوظ، صحت مند اور منشیات سے پاک معاشرہ قائم کرنے کی کوششیں جاری رکھی جائیں گی۔
Motorcyclist Killed, Another Injured In Road Accident At Botingoo Sopore
Sopore, Sep 19 (JKNS): One motorcyclist was killed while another sustained injuries after their motorcycle collided with a Tata Matador...
Read more
