پیرازادہ سعید
کپواڑہ، 25 جولائی: لوگوں کو ان کی دہلیز پر خدمات فراہم کرنے اور ترقیاتی سرگرمیوں کی پیش رفت کا جائزہ لینے کے علاوہ مؤثر شکایات کے ازالے کا پلیٹ فارم فراہم کرنے کے مقصد سے، ضلع ترقیاتی کمشنر کپواڑہ، آیشی سودان نے سرحدی علاقہ کیرن میں میگا بلاک دیوس کی صدارت کی۔
ضلع افسران، انجینئرز، سیکٹورل افسران، تحصیل سطح کے افسران، بزرگ شہریوں اور کیرن کے مختلف علاقوں سے بڑی تعداد میں مقامی لوگ اس عوامی رابطہ پروگرام میں شریک ہوئے۔
ضلع ترقیلتی کمشنر کا استقبال کیرن حد متارکہ پر دریا کشن گنگا کے کنارے پر روایتی انداز میں پرجوش لڑکیوں نے کیا جنہوں نے ان پر پھولوں کی پتیاں نچھاور کیں۔
ڈپٹی کمشنر نے مختلف محکموں کے اسٹالوں کا معائنہ کیا اور اس علاقے میں جاری ترقیاتی کاموں اور مختلف محکموں کی اسکیموں اور پروگراموں سے واقفیت حاصل کی۔
پہلے ہی لوگوں نے ضلع انتظامیہ، بیکن اور فوجی حکام کا شکریہ ادا کیا جنہوں نے ضلع کے قدرتی حسن سے مالامال کیرن تحصیل میں سیاحت کو فروغ دیا۔
کیرن کی عوام نے ڈپٹی کمشنر کا شکریہ ادا کیا جنہوں نے علاقے کی ترقی میں تیزی لانے کے لیے بھرپور مداخلت کی۔ ڈی سی موصوف کی عوامی رابطہ مہم کی تعریف کی گئی جس کا ثبوت کیرن کو ضلع کی سب سے بہترین اور سب سے زیادہ وزٹ کی جانے والی سیاحتی منزل بنانے، دات پل سے کیرن تک خراب سڑک کی تعمیر، کیرن پل پر کام کرنے، بجلی فراہم کرنے اور علاقے میں دیگر بنیادی ڈھانچے کی ترقی میں ان کے کردار سے ملتا ہے۔
اس موقع پر کیرن کے مختلف دیہاتوں کے عوام اور سابقہ پنچائیتی اراکین جن میں منڈیان، کالوس، پاترو، کیرن پائیں، کیرن بالا، کندیاں، منڈو اور دیگر بستیوں کے لوگوں نے بنیادی طور پر ہائر سیکنڈری اسکول میں اسمارٹ کلاس رومز، سائنس لیب، ہائر سیکنڈری اسکول کے لیے باڑ بندی، مرد اور خواتین سیاحوں کے لیے الگ واش روم کی سہولیات، اسٹریٹ لائٹس، NTPHC کیرن کو SDH میں اپ گریڈ کرنے اور ایکسرے مشین اور ڈینٹل چیئر کی سہولیات، ATM اور علاقے میں موبائل کنیکٹیویٹی نیٹ ورک کی اپ گریڈیشن کا مطالبہ کیا۔
عوام اور سابقہ پنچائیتی اراکین کی باتیں تحمل سے سننے کے بعد، ڈپٹی کمشنر نے یقین دلایا کہ ان کے تمام جائز مطالبات پر غور کیا جائے گا۔ انہوں نے مزید یقین دلایا کہ ان کے جائز مطالبات متعلقہ حکام تک پہنچ چکے ہیں اور انہیں ترجیحی بنیادوں پر حل کیا جائے گا۔
بلاک دیوس کی کارروائی کی صدارت کرتے ہوئے ڈی سی نے کہا کہ پارکنگ کی جگہ، اسٹریٹ لائٹس، آرائشی لائٹس، اسمارٹ کلاسز، ہائر سیکنڈری اسکول کیران کے لیے لیبارٹری بجٹ میں شامل کی گئی ہے اور یہ منصوبے موجودہ مالی سال کے دوران شروع کیے جائیں گے۔
ڈی سی نے کہا، “علاقے میں سیاحت کو فروغ دینے کے لیے، کیران میں سیاحوں کے لیے ایک خوبصورت دریا کے کنارے پر مقام تعمیر کیا جائے گا۔
