ورداسپور//ہند۔پاک بین الاقوامی سرحد سے متصل ایک اہم قصبہ بامیال کے ٹنڈا پوسٹ پر تعینات بارڈر سیکورٹی فورس (بی ایس ایف) کی 121بٹالین کے جوانوں نے ہفتہ کی رات پاکستان کی جانب سے دو بار آئے ڈرون کو فائرنگ کرکے بھگادیا۔بی ایس ایف کے ایک افسرنے اتوار کو بتایا کہ جوان کل رات سرحد پر گشت کر رہے تھے۔ اس دوران دوپہر 12 بج کر 15 منٹ پر انہوں نے پاکستان کی طرف سے ڈرون کو ہندوستانی سرحد میں داخل ہوتے ہوئے دیکھا، جس کے بعد بی ایس ایف کے جوانوں نے مستعدی کا مظاہرہ کرتے ہوئے مذکورہ ڈرون پر فائرنگ شروع کردی۔ اس کے بعد ڈرون کی سرگرمی رک گئی۔اس کے بعد ایک بار پھر دوپہر 12:40 پر فوجیوں نے پاکستان سے ہندوستانی سرحد میںڈرون کو داخل ہوتے ہوئے دیکھ کر دوبارہ اس پر فائرنگ کی۔ اس دوران بی ایس ایف نے کل 28 راؤنڈ گولیاں چلائیں۔بی ایس ایف کی فائرنگ کے بعد ڈرون کی سرگرمی رک گئی اور اس کی اطلاع فوری طور پر پولیس کو دی گئی۔ اس کے بعد کمانڈوز کی ٹیم نے بی ایس ایف اور فوج کے جوانوں کے ساتھ مل کر ڈرون کی کڑی نگرانی کی ۔ سرچ آپریشن کیا گیا تاہم مذکورہ سرچ آپریشن میں کوئی مشکوک چیز نہیں ملی۔قابل ذکر ہے کہ پاکستان کی جانب سے کئی بار ڈرون بھیج کر ہندستان میں داخل ہونے کی کوششیں کی گئی ہیں، لیکن ہر بار بی ایس ایف نے مستعدی کا مظاہرہ کرتے ہوئے مذکورہ ڈرون کو واپس پاکستان لوٹنے پر مجبور کردیا۔اس موقع پر جب ڈی ایس پی (رورل) جگدیز راج سے رابطہ کیا گیا تو انہوں نے بتایا کہ ڈرون کی سرگرمی کی اطلاع بی ایس ایف کو رات ہی میں دی گئی تھی۔ اس کے بعد پولیس نے فوج اور بی ایس ایف کے ساتھ مل کر تلاشی مہم چلائی تاہم اس دوران کوئی بھی مشتبہ چیز نہیں ملی۔
“Zehanpora Site Can Emerge as Major Cultural Asset, Tourist Attraction”: CS Dulloo
Uri, Aug 29 (JKNS): Chief Secretary of Jammu and Kashmir Atal Dulloo on Saturday visited the historic 2,000-year-old Buddhist archaeological...
Read more
