کپواڑہ//بٹ مظفر
سماج سے منشیات کی لعنت کو ختم کرنے کی اپنی پہل کو جاری رکھتے ہوئے ہندواڑہ پولیس نے گورنمنٹ ڈگری کالج ہندوارہ میں یوتھ ڈولپمنٹ اینڈ ربلٹیشن سنٹر سرینگر کے تعاون سے منشیات کی لت سے نجات کے پروگرام کا انعقاد کیا۔ پروگرام کا محور منشیات کی لت کی سنگینی کے بارے میں عام لوگوں کو بصیرت فراہم کرنا تھا۔ سیشن کا آغاز کرتے ہوئے، پولیس سپرٹنڈنٹ ہندوارہ سندیپ گپتا نے منشیات کی لت اور پولیس ڈرگ ڈی ایڈکشن سنٹر میں دستیاب علاج کی سہولیات کے بارے میں بات کی۔ ایس پی ہندوارہ نے کشمیر کے منشیات کی لت کے منظر نامے پر روشنی ڈالی، اس کی وجوہات اور نشے کے نتائج انہوں نے انسدادی اقدامات اور منشیات کی لعنت کی روک تھام میں جموں و کشمیر پولیس کے کردار کے بارے میں بھی بات کی۔ منشیات کی لت ایک سماجی برائی کے طور پر معاشرے پر اس کے اثرات اور اس کے خاتمے میں معاشرے کی ذمہ داریوں پر جی ڈی سی ہندواڑہ کے طلباء اور پروفیسروں ۔مفتی صاحبانوں سمیت مختلف سماجی کارکنوں نے روشنی ڈالی۔ انہوں نے عوام کو نشے کے انتباہی علامات اور علامات کے بارے میں بھی آگاہ کیا۔ پروگرام کے آخر میں سوال جواب کا سیشن بھی ہوا۔ ماہرین کی جانب سے سوالات کے تسلی بخش جوابات دیے گئے۔ اس پروگرام کو عوام نے بے حد سراہا اور ضلع میں مزید آگاہی پروگرام کرنے کی درخواست کی اس دوران اے ایس پی ہندوارہ مسٹر راشد نے منشیات کے اس پروگرام پر اچھی طرح سے تربیت فراہم کی اسکے علاوہ دیگر مقررین نے بھی تفصیل سے روشنی ڈالی ۔۔۔
