شوپیان میں 3گھنٹوں تک تلاشیاں | ڈوڈہ میں جنگجو گرفتار ،اسلحہ بر آمد

وپیان // شوپیان کے ایک مضافاتی علاقے میں سیکورٹی فورسز نے 3گھنٹے تک تلاشی کارروائی کی۔ادھر ڈوڈ ہ میں ایک ملی ٹینٹ کو گرفتار کیا گیا۔پولیس کے مطابق انہیں مغل روڑ پر واقع ہیر پورہ گائوں میں ملی ٹینٹوں کی موجودگی کی اطلاع ملی تھی جس کے بعد 15گڑھوال اور 14بٹالین سی آر پی ایف کے اشتراک سے بعد دوپہر 2بجے محاصرہ کیا گیا اور گھر گھر تلاشی کارروائی عمل میں لائی گئی۔3 گھنٹے تک تلاشیاں لیں گئیں لیکن جب کچھ نہیں ملا تو سہ پہر 5بجے محاصرہ ختم کیا گیا۔ادھر ڈوڈہ پولیس، فوج اور ایس ایس بی نے ٹھاٹھری کے مقام پر ناکہ چیکنگ کے دوران عادل اقبال بٹ ساکن سزن بجارنی کی گرفتاری عمل میں لا کر اْس کے قبضے سے ایک پستول ، دو میگزین اور 9گولیوں کے راونڈ برآمد کئے ۔پولیس نے بتایا کہ مذکورہ ملی ٹینٹ ڈوڈہ کے ایک اور ملی ٹینٹ محمد امین کیساتھ رابطے میں تھا، جو فی الوقت پا کستان میں مقیم ہے۔