نگواکی جانب سے ان کی تقرری پر مسرت کااظہار
سرینگر/نگوا سکمز نے نئے ڈائریکٹر سکمز ڈاکٹر پرویز احمد کول کو مبارکباد دیتے ہوئے کہا ہے کہ ڈاکٹر پرویز احمد ایک ہونہار اور قابل ناظم ثابت ہوں گے جن کی قیادت میں سکمز ہسپتال مزید آگے بڑھے گااور ملکی و مقامی سطح پر نام کمائے گا۔ کرنٹ نیوز آف انڈیا کے مطابق شیر کشمیر میڈیکل انسٹچیوٹ آف سائنس صورہ (سکمز)کے سابق ڈائریکٹر ڈاکٹر اے جی آہنگر کی سبکدوشی کے بعد سکمز کےلئے سابق ایچ او ڈی میڈیسن ڈاکٹر پرویز احمد کول کی بطورڈائریکٹر سکمز تقرری عمل میں لائی گئی ہے اور ڈاکٹر پرویز کول یکم جنوری سے باضابطہ طور پر یہ عہدہ سنبھالیں گے ۔ اس بیچ نگوا سکمز کے جملہ عہدیداران اور ممبران نے ڈاکٹر کول کو مبارکبادی پیش کرتے ہوئے کہا ہے کہ موصوف ایک ہونہار اور قابل معالج ہیں جنہوںنے سکمز میںبطور ایچ او ڈی اپنی خدمات انجام دیں ہیں اور وہ ایک بہترین ناظم ثابت ہوں گے ۔ سکمز نگوا کے صدر اشتیاق بیگ نے کہا ہے کہ ڈاکٹر پرویز احمد کول کی قیادت میں یہ ادارہ مزید آگے بڑھے گا اور صحت شعبہ میں ملکی سطح پر نئی ترقی کی منزلوں تک پہنچائے گا۔ انہوںنے کہاکہ نگوا کی جانب سے انہیں بھر پور تعاون فراہم کیا جائے گا اور انتظامی معاملات کے ساتھ ساتھ ہسپتال سے جڑے دیگر معاملات میں ان کا کو تعاون دیا جائے گا تاکہ ہسپتال میں نظم و نسق اور علاج و معالجہ کا عمل اور بہتر بنے ۔ اس دوران نگوا کے ترجمان اعلیٰ شبیر حسین کے علاوہ دیگر افراد جن میں رجنی بالی ،بلال احمد ،غلام محمد ،بکرم سنگھ ،سریندرسنگھ ،غلام رسول ،فیاض احمد ،فاروق احمد ، محمد یاسین اوردیگر عہدیداران اور کارکنوں نے بھی ڈاکٹر کول کو یہ عہدہ سنبھالنے پر مبارکبادی دی ہے ۔
National Flag of India Quiz Draws Strong Response; 9 Days Left to Participate
New Delhi, Aug 6 (JKNS): The Department of Youth Affairs, through MY Bharat, has called upon young citizens to participate...
Read more
