سری نگر، 3 جون فوجی سربراہ جنرل منوج مکند نروانے نے کہا کہ پاکستان کی طرف سے جنگ بندی معاہدے پر سختی سے عمل درآمد اور بھارتی حدود میں جنگجوؤں کے بھیجنے کو بند کرنے کے عمل سے دونوں ملکوں کے درمیان اعتماد کی راہیں ہموار ہو سکتی ہیں۔
انہوں نے کہا کہ پاکستان جنگجویانہ سرگرمیوں کو جاری رکھا ہوا ہے جس کے پیش نظر ہم کسی بھی صورت میں اپنی تیاریوں کی سطح کو کم نہیں کرسکتے ہیں۔
موصوف نے ان باتوں کا اظہار جمعرات کو یہاں نامہ نگاروں کے ساتھ بات چیت کے دوران کیا ہے۔
انہوں نے کہا: ‘ہم اس جنگ بندی معاہدے پر عمل درآمد کرنے کے لئے رضا مند ہیں جب تک وہ (پاکستان) اس پر عمل پیرا ہوں گے، لیکن دوسری طرف ایل او سی کے اُس پار جنگجویانہ انفراسٹریکچر برابر قائم ہے وہاں جنگجوؤں کے کیمپ ابھی بھی قائم ہیں لہٰذا ہم اپنی تیاریوں کی سطح کو کم نہیں کرسکتے ہیں’۔
ان کا کہنا تھا کہ اعتماد کی بحالی ایک مشکل کام ہے دہائیوں سے دونوں ممالک کے درمیان عدم اعتماد قائم ہے تاہم اعتماد بحال کرنا اور قیام امن پوری طرح سے پاکستان پر منحصر ہے۔
موصوف فوجی سربراہ نے کہا کہ بھارت کسی بھی دراندازی کی کوشش اور جنگجویانہ سرگرمیوں کا مقابلہ کرنے کے لئے پوری طرح تیار ہے اور سرحدوں سے فوجی جوانوں کی واپسی کا انحصار خطرے اور موجودہ صورتحال پر ہے۔
PM Modi Presents Russian Translation of Thirukkural to Putin, Holds Talks on Strengthening India-Russia Ties
Srinagar, Sept 11 (JKNS): Prime Minister Narendra Modi said he presented a Russian translation of the sacred Thirukkural by...
Read more
