سری نگر،23 اپریل پولیس نے شمالی کشمیر کے قصبہ سوپور میں بھتہ خوروں کی ایک گینگ کا پردہ فاش کرکے چار افراد کو گرفتار کرنے کا دعویٰ کیا ہے۔
ایک پولیس ترجمان نے اپنے ایک بیان میں کہا کہ محمد اشرف لون ساکن ہائی لینڈ کالونی سوپور نامی شہری نے شکایت درج کی کہ چند روز قبل کچھ نقاب پوش افراد اس کے کلینک میں داخل ہوئے اور اس کو دھمکی دی کہ لشکر طیبہ یا جیش محمد نامی جنگجو تنظیم نے اس کو مارنے کا وارنٹ جاری کیا ہے اور اگر اس نے پانچ لاکھ روپیے نہیں دئے تو اس کو مارا جائے گا۔
انہوں نے کہا کہ شکایت کنندہ کو جیش محمد کے لیٹر پیڈ پر لکھی گئی ایک چھٹی بھی دی گئی تھی جس میں اس کو جنگجو تنظیموں کو مالی مدد کرنے کی ہدایت دی گئی تھی۔
موصوف ترجمان نے اپنے بیان میں کہا کہ شکایت موصول ہونے پر پولیس اسٹیشن سوپور میں ایک کیس درج کیا گیا اور تحقیقات شروع کی گئیں۔
انہوں نے بتایا کہ مجرموں کو پکڑنے کے لئے سینئر افسروں کی ایک ٹیم تشکیل دی گئی جن کی انتھک کاوشوں کے بعد اس واقعے میں ملوث چار افراد کو گرفتار کیا گیا۔
گرفتار شدگان کی شناخت ہلال احمد پٹو ولد عبدالخالق پٹو ساکن چک روڈ خان سوپور، تحلیل نثار آہنگر ولد نثار احمد آہنگر،عمران عزیز گلکار ولد عبد العزیز گلکار ساکنان لال بب صاحب سوپور اور مدثرحسن گنائی ولد غلام حسن گنائی ساکن چنکی پورہ سوپور کے بطور ہوئی۔
بیان کے مطابق گرفتار شدگان کی تحویل سے ایک لیٹر پیڈ اور ایک پرنٹر بھی ضبط کیا گیا۔
بیان میں کہا گیا کہ گرفتار شدگان میں سے ہلال احمد پٹو ایک جنگجو تھا جس نے خود سپردگی اختیار کی تھی اور اس کو ماضی میں گرفتار کیا گیا تھا۔
یو این آئی
پاکستانی پروپیگنڈا وزیرِ اعظم نریندر مودی کے دورۂ کشمیر کے دوران: سوشل میڈیا کا تجزیہ
13 جنوری 2025 کو بھارتی وزیر اعظم نریندر مودی نے کشمیر کا دورہ کیا تاکہ زی-مور ٹنل کا افتتاح کریں،...
Read more
