سری نگر، 22 مارچ (یو این آئی) وادی کشمیر کے میدانی علاقوں میں رک رک کر بارشوں اور بالائی علاقوں میں ہلکی برف باری کے بیچ محکمہ موسمیات نے اگلے دو روز کے دوران موسم خراب رہنے کی پیش گوئی کی ہے۔
محکمہ موسمیات نے اس دوران تیز ہوائیں چلنے اور بجلی چمکنے کی پیش گوئی کرتے ہوئے لوگوں کو الرٹ رہنے کی تاکید کی ہے۔
لوگوں سے کہا گیا ہے کہ وہ درختوں اور لوہے کے کھمبوں کے نیچے بیٹھنے سے احتراز کریں۔
متعلقہ محکمے کے علاقائی ناظم سونم لوٹس نے کہا کہ وادی کشمیر میں 24 مارچ تک برف وباراں کا سلسلہ جاری رہ سکتا ہے۔
انہوں نے کہا کہ اس دوران تیز ہوائیں بھی چل سکتی ہیں اور بجلی بھی چمک سکتی ہے جس کے پیش نظر لوگوں کو ہوشیار اور احتیاط کرنے ضرورت ہے۔
ان کا لوگوں نے کہنا تھا کہ وہ درختوں اور لوہے کے کھمبوں کے نیچے بیٹھنے سے احتراز کریں۔
انہوں نے برفانی اور مٹی کے تودے اور سیلابی ریلے آنے کی بھی وارننگ جاری کی ہے۔
دریں اثنا وادی میں پیر کے روز بھی موسم خراب ہی رہا اور میدانی علاقوں میں رک رک بارشوں کا سلسلہ جاری رہا۔
وادی میں جاری خراب موسمی حالات کے پیش نظر سردی میں قدرے اضافہ ہونے سے لوگوں نے گرم لباس زیب تن کرنا شروع کیا اور گھروں، دفاتر اور کام کی جگہوں پر گرمی کے الیکٹرک آلات کا استعمال بھی کیا جا رہا ہے۔
بارشوں کے باعث وادی کے شہر و گام کی سڑکوں پر پانی جمع ہوا ہے جس سے لوگوں کو گونا گوں مشکلات کا سامنا ہے۔
لوگوں کا کہنا ہے کہ سڑکوں پر ہوئے گڑھوں میں جمع پانی سے جب گاڑیاں چلتی ہیں تو اس سے اٹھنے والی چھینٹیں دور دور تک چلنے والے راہگیروں کو اپنی لپیٹ میں لے کر کہیں کا نہیں چھوڑتی ہیں۔
محکمہ موسمیات کے مطابق گرمائی دارلحکومت سری نگر، جہاں گذشتہ چوبیس گھنٹوں کے دوران 9.4 ملی میٹر بارش ریکارڈ ہوئی ہے، میں کم سے کم درجہ حرارت 7.4 ڈگری سینٹی گریڈ ریکارڈ ہوا ہے۔
قابل ذکر ہے کہ سری نگر میں جہاں ماہ جنوری میں سردیوں کا پچیس سالہ ریکارڈ ٹوٹ گیا جب 31 جنوری کو کم سے کم درجہ حرارت منفی 8.8 ڈگری سینٹی گریڈ ریکارڈ ہوا تھا وہیں ماہ فروری میں گرمیوں کا 57 سالہ ریکارڈ پاش پاش ہوگیا جب فروری کی ایک شب کم سے کم درجہ حرارت 8.0 ڈگری سینٹی گریڈ ریکارڈ ہوا تھا۔
وادی کے مشہور دہر سیاحتی مقام گلمرگ جہاں گذشتہ چوبیس گھنٹوں کے دوران 16 ملی میٹر برف و باراں ریکارڈ ہوا ہے، میں کم سے کم درجہ حرارت منفی 0.5 ڈگری سینٹی گریڈ ریکارڈ ہوا ہے۔
وادی کے دوسرے مشہور سیاحتی مقام پہلگام میں کم سے کم درجہ حرارت 4.3 ڈگری سینٹی گریڈ ریکارڈ کیا گیا۔
سرحدی ضلع کپوارہ جہاں گذشتہ چوبیس گھنٹوں کے دوران 20.6 ملی میٹر بارش ریکارڈ ہوئی ہے، میں کم سے کم درجہ حرارت 4.8 ڈگری سینٹی گریڈ ریکارڈ ہوا ہے جبکہ قاضی گنڈ جہاں گذشتہ چوبیس گھنٹوں کے دوران 6.1 ملی میٹر بارش ریکارڈ ہوئی ہے، میں کم سے کم درجہ حرارت 7.3 ڈگری سینٹی گریڈ اور ککر ناگ جہاں گذشتہ چوبیس گھنٹوں کے دوران 8.8 ملی میٹ بارش ریکارڈ ہوئی ہے، میں کم سے کم درجہ حرارت 5.7 ڈگری سینٹی گریڈ ریکارڈ ہوا ہے۔
Education Minister Dharmendra Pradhan Resigns Amid NEET-UG Row, Sends Resignation Letter to PM Modi
New Delhi, July 25 (JKNS): Union Education Minister Dharmendra Pradhan on Saturday announced that he has submitted his resignation to...
Read more
