سرینگر، فروری1;223223;کھِلر ڈورو اور بجہاڑہ سے معروف سیاسی شخصیات اور درجنوں سیاسی کارکنان نے لال چوک سرینگر میں منعقدہ تقریب کے دوران پیر کے روز اپنی پارٹی میں شمولیت اختیار کی ۔ کھِلر سے فاروق احمد بھٹ کی قیادت میں پرویز احمد مگلہو(سرپنچ)، محمد الطاف کوکو (سرپنچ مزمو)، منظور احمد تانترے(پنچ)، عبدالسلام بھٹ(پنچ)،عبدالحمید وانی (حلقہ صدر کانگریس)، عبدالمجید لون(بلاک صدر اوقاف)، وزیر احمد بھٹ(سابقہ حلقہ صدر کانگریس)، غلام نبی بھٹ(سابقہ پی ڈی پی حلقہ صدر)اور منظور احمد بھٹ (پنچ)اپنی پارٹی میں شامل ہوگئے ۔ بجہاڑہ سے پارٹی یوتھ لیڈر طارق احمد ویری کی قیادت میں ایک اور وفد جس میں محمد یعقوب (سرپنچ )، بشیر احمد (سرپنچ )، عبدالغنی وانی (نائب سرپنچ )، رئیس احمد گنائی ( ڈپٹی سرپنچ )، غلام نبی میر (نائب سرپنچ )، محمد اشرف گنائی (پنچ )، محمد رفیق بھٹ (پنچ)، گل محمد ملک (پنچ)، عبدالرشید ریشی پن، محمد یوسف ڈار پنچ ودیگر حمایتوں نے اپنی پارٹی میں شمولیت اختیار کی ۔ اس سلسلہ میں منعقدہ تقاریب میں اپنی پارٹی صدر سید محمد الطاف بخاری، سنیئر پارٹی لیڈر اور سابقہ وزیر محمد دلاور میر، نائب صدر ظفر اقبال منہاس، جنرل سیکریٹری رفیع احمد میر، صوبائی صدر کشمیر محمد اشرف میر، ریاستی سیکریٹری اور ضلع صدر بڈگام منتظر محی الدین، ضلع صدر سرینگر نور محمد شیخ، ضلع صدر کپواڑہ راجورہ منظور، ضلع صدر اننت ناگ عبدالرحیم راتھر، ضلع صدر بارہمولہ شعیب لون، ضلع صدر پلوامہ غلام محمد میرموجود تھے ۔ اس موقع پر بولتے ہوئے پارٹی صدر نے نئے ساتھیوں پرزور دیاکہ وہ پارٹی کے اصولوں کی پاسداری کرتے ہوئے وہ مقامی سطح پر لوگوں کی فلاح وبہبودی کے لئے کوئی دقیقہ فروگذاشت نہ چھوڑیں ۔ بخاری نے کہا’’جموں وکشمیر کے لوگوں کو بدقسمتی سے روایتی سیاسی جماعتوں نے جذباتی معاملات اُبھار کر گمراہ کیا اور اُن کے روز مرہ مسائل کو نظر انداز کیا تاہم اپنی پارٹی روز ِ اول سے ہی لوگوں کی فلاح وبہبودی کے لئے کام کر رہی ہے ۔ پارٹی کی بنیاد صداقت پر مبنی سیاست اور عوامی مشکلات کا ازالہ ہے‘‘ ۔ اس موقع پر دونوں وفود سے سرکردہ ممبران نے جموں وکشمیر کے لوگوں کو مضبوط متبادل سیاسی پلیٹ فارم فراہم کرنے پر اپنی پارٹی قیادت کا شکریہ ادا کیا اور متعلقہ علاقوں میں زمینی سطح پر پارٹی کی مضبوطی اور عوامی بہبود کے لئے کام کرنے کا عزم کیا ۔
