جموں و کشمیر میں دو سو سے زیادہ اسکول مالی بحران کی وجہ سے بند ہوچکے ہیں پرائیویٹ سکولوں کے کام کاج میں سرکاری اداروں کی بیجا مداخلت قابل تشویش۔چائلڈ ویلفیر ایسوسی ایشن

سرینگر/26 مارچ/سی این آئی//جموں کشمیر میں پرائیویٹ سکولوں کے کام کاج میں سرکاری محکموں کی جانب سے غیر ضرورری مداخلت کی جارہی ہے جس کے نتیجے میں یہاں پر سکول چلانا مشکل بن گیا ہے ۔ پرائیویٹ سکولز ایسوسی ایشن اینڈ چائلڈ ویلفیئر ایسوسی ایشن کے قومی صدر نے بتاکہ جموں کشمیر میں سکولوںکو بات بات پر این او سی کی ضرورت پڑتی ہے جبکہ ملک کے دیگر حصوں میں ایسا کچھ بھی نہیں ہے ۔ انہوںنے مزید بتایا کہ جموں و کشمیر میں ایف ایف آر سی کا کردار پرائیویٹ اسکولوں کے خلاف ہے کیونکہ کمیٹی، جس کا مقصد فیس کے ڈھانچے کو باقاعدہ بنانا اور غیر ضروری منافع خوری پر نگرانی کرنا ہے، مختلف معاملات میں ملوث ہے جو اس کے دائرہ اختیار میں نہیں ہیں۔کرنٹ نیوز آف انڈیا کو موصولہ ایک بیان کے مطابق پرائیویٹ اسکولز ایسوسی ایشن اینڈ چائلڈ ویلفیئر ایسوسی ایشن کے قومی صدر سید شمائل احمد نے جموں و کشمیر میں نجی تعلیمی اداروں کے ہموار کام میں مختلف سرکاری محکموں کی غیر ضروری مداخلت پر اپنی شدید تشویش کا اظہار کیا ہے۔ آج یہاں جاری ایک پریس بیان میںسید شمائل نے کہا کہ ملک بھر میں، نجی اسکولوں کو معمول کے مطابق کام کرنے کے لیے کافی جگہ فراہم کی جارہی ہے۔ انہوں نے کہا کہ پرائیویٹ اسکولوں کو حکومتی نظام تعلیم کا ضمیمہ اور تعریف سمجھا جاتا ہے نہ کہ حریف جیسا کہ میں نے جموں و کشمیر میں ہوتے دیکھا ہے۔ انہوں نے کہا کہ انہیں یہ دیکھ کر حیرت ہوئی کہ یہاں پرائیویٹ سکولوں کو کسی نہ کسی بہانے ہراساں کیا جا رہا ہے۔ انہوںنے کہا کہ نجی اسکولوں کو دوسرے سرکاری محکموں سے مختلف این او سی حاصل کرنے کے لیے کہا جا رہا ہے جو کہ ملک بھر میں رائج قواعد و ضوابط کے مطابق عمل کا حصہ نہیں ہیں۔ مثال دیتے ہوئے انہوں نے کہا کہ اسکولوں کو پولوشن کنٹرول بورڈ، پی ایچ ای، فائر اینڈ ایمرجنسی، میونسپلٹی وغیرہ سے این او سی حاصل کرنے کے لیے کہا جاتا ہے جب کہ سرکاری اسکولوں کے لیے ایسی کوئی این او سی درکار نہیں ہے۔ انہوں نے کہا کہ جموں و کشمیر میں ایف ایف آر سی کا کردار پرائیویٹ اسکولوں کے خلاف ہے کیونکہ کمیٹی، جس کا مقصد فیس کے ڈھانچے کو باقاعدہ بنانا اور غیر ضروری منافع خوری پر نگرانی کرنا ہے، مختلف معاملات میں ملوث ہے جو اس کے دائرہ اختیار میں نہیں ہیں۔ انہوں نے کہا کہ یہ بہت امتیازی بات ہے کہ بچوں کا ایک ہی سیٹ، نصاب کا ایک ہی سیٹ اور ایک ہی تعلیمی کیلنڈر ہے لیکن پرائیویٹ اور گورنمنٹ اسکولوں کے لیے دو مختلف اصول موجود ہیں۔سید شمائل نے مزید کہا کہ کسی بھی سرکاری محکمے سے این او سی حاصل کرنے میں پرائیویٹ اسکولوں کے لیے مہینوں اور کبھی کبھی سال لگ جاتے ہیں اور اس وقت تک شناخت یا رجسٹریشن اور اپ گریڈیشن کی مدت ختم ہوجاتی ہے۔ انہوں نے حکومت پر زور دیا کہ وہ اس عمل کو آسان کرے اور پرائیویٹ اسکولوں کو کام کرنے کے لیے سازگار ماحول فراہم کرے تاکہ جموں و کشمیر کے پرائیویٹ اسکولوں میں داخلہ لینے والے لاکھوں بچوں کو معیاری تعلیم فراہم کی جاسکے۔جموں و کشمیر میں نئی تعلیمی پالیسی کے نفاذ کے بارے میںانہوںنے کہا کہ اس پالیسی کے لیے بہت سے چیلنجز ہیں جن کو جلد از جلد لاگو کرنے سے پہلے ان پر غور کرنے کی ضرورت ہے۔ انہوں نے کہا کہ حکومت جموں و کشمیر کو اس بات کو یقینی بنانا چاہئے کہ اسکول کا نظام NEP کی خصوصیات کے مطابق ہو اور تمام بنیادی ضروریات کو پہلے سے پورا کیا جائے۔ شمائل نے کہا کہ دیگر شعبوں کی طرح پرائیویٹ اسکولوں کو بھی کووڈ وبائی امراض کے ہاتھوںاقتصادی پر زبردست نقصان اٹھانا پڑا ہے۔ انہوں نے کہا کہ جموں و کشمیر میں دو سو سے زیادہ اسکول مالی بحران کی وجہ سے بند ہوچکے ہیں اور بہت سے بند ہونے کے دہانے پر ہیں۔ انہوں نے ایل جی انتظامیہ پر زور دیا کہ وہ بجٹ پرائیویٹ سکولوں کے لیے معاشی پیکیج کی منظوری دے تاکہ وہ قائم رہ سکیں اور معیاری تعلیم کی فراہمی کے لیے اپنی جدوجہد جاری رکھ سکیں۔