رینگر۔ مشہور سماجی و عوامی شخصیت مرحوم محمد شفیع پنڈت کی یاد میں منعقد خاص تقریب آج گورنمنٹ ڈگری کالج چاڈورہ میں منعقد ہوئی جسمیں معروف ہستیوں نے حصہ لیا۔ تقریب کے دوران سماجی لیڈر٬ اور سینیر ایڈووکیٹ عبدالرشید ھانجورہ نے اپنے خطاب میں مرحوم کو ایک ہمدرد اور انصاف پسند سول سروسز آفیسر قرار دیا، جن کی پوری زندگی پسماندہ طبقات کی بھلایی کے لیے وقف رہی۔ انہوں نے امید ظاہر کی کہ اس یادگاری لیکچر سے دیہی علاقوں کے سول سروسز کے خواہشمند طلبہ کے لیے مثبت اور تعمیری نتائج برآمد ہوں گے۔ہیلپ فاؤنڈیشن کی بانی و چیئرپرسن نگہت شفیع پنڈت نے کہا کہ مرحوم کے مشن کو جوش و جذبے کے ساتھ جاری رکھا جائے گا۔ اس موقعے پر سرکرہ ادیب اور صحافی ناظم نظیر نے بھی مرحوم محمد شفیع پنڈت کو خراج عقیدت پیش کرتے ہویئےمرحوم کو خاص شخصیت قرار دیگر مرحوم کے اعلی خدمات کو مشعل راہ قرار دیا۔ تقریب کے دوران کشمیر کنسرن فاؤنڈیشن اور ہیلپ فاؤنڈیشن کی جانب سے 20 اشخاص کو اسنادِ سے نوازا گیا، جن کا تعلق گورنمنٹ ڈگری کالج چاڈورہ اور اسی تحصیل کے زوہامہ، واتھورہ اور حیات پورہ کی ہائر سیکنڈری اسکولوں سے تھا۔اس موقع پر احاطہ وقار، چھانہ پوہ کی جانب سے چند مستحق لڑکیوں میں سلائی مشینیں بھی تقسیم کی گئیں تاکہ وہ اپنےلیے باعزت روزگار حاصل کر سکیں۔
کشمیر کنسرن فاونڈیشن کی جانب سے سید کفایت حسین رضوی اور محترمہ نگہت شفیع کی عزت افزایی کے طور ان کو mementos پیش کیے۔ نامور قلمکار اور افسانہ نگار رحیم رہبر کو بھی کشمیری زبان و ادب کےتییں گران قدر خدمت انجام دینے کے اعتراف میں عزت افزائی کی گئی۔ منعقد تقریب کے اختتام پر کشمیر کنسرن فاونڈیشن کے صدر عبدلرحمان لطیف نے شکرانے کی تحریک پیش کی۔
Elderly Woman Dies of Electrocution in Naidkadal Srinagar
Srinagar, June 22 (JKNS): A 65-year-old woman died after she was electrocuted while crossing a road in the Naidkadal...
Read more
