حکمرانی میں بہترین طریقوں کا اشتراک جمہوریت کو مضبوط بنانے کے لیے ضروری ہے: شری جشنو دیو ورما
ارشد رسول
حیدر آباد/23اکتوبر/
جموںکشمیر سے تعلق رکھنے والے صحافیوں کے وفد کی تلنگامہ میں تیسری روز کی سرگرمیوں کے دوران وفد نے تلنگانہ کے گورنر سے ملاقات کی۔میڈیا وفد کا خیرمقدم کرتے ہوئے گورنر سری جشنو دیو ورما نے کہا کہ تلنگانہ ایک ایسی ریاست ہے جو ثقافت، ورثہ، فن اور دستکاری سے مالا مال ہے۔ انہوں نے کہا کہ حیدرآباد کی صنعت کاری اور ترقی اہم کامیابیاں ہیں۔ اس وقت جموں کشمیر کے تقریباً چودہ صحافی پریس انفارمیشن بیورو کے زیر اہتمام ‘پریس ٹور’ کے ایک حصے کے طور پر تلنگانہ کے دورے پر ہیں۔ وفد نے تلنگانہ کے گورنر جشنو د یورما کے ساتھ مختلف امورات پر تبادلہ خیال کیا۔ گورنر موصوف نے جموں کشمیر کے میڈیا افراد کو تلنگانہ اور حیدر آباد کی تعمیر و ترقی ، سرکاری کام کاج کے بارے میں مفصل جانکاری دی۔ انہوںنے بتایا کہ گزشتہ دس برسوں کے دوران تلنگانہ میں کئی اہم ترقیاتی پروجیکٹوں کو مکمل کیا جاچکا ہے جن میں کئی ایک میڈیکل کالجوں کی تعمیر ، ائر پورٹ ،ہسپتال، سکول کالج تعمیر کئے گئے ہیں۔ انہوںنے بتایا کہ تلنگانہ میں تعلیمی شعبہ میں نمایاں بہتری لائی گئی ہے خاص کر نیشنل ایجوکیشن پالیسی کے نفاذ کے بعد تعلیمی شعبہ میں کافی تبدیلیاں لائی گئیں۔ گورنر جشنود یورما نے مزید بتایا کہ مرکزی سرکار جس کی قیادت وزیر اعظم نریندر مودی کررہے ہیں کی کاوشوں سے تلنگانہ میں دیگر کئی ترقیاتی پروجیکٹ چلائے گئے اور خاص کر یہاں پر زرعی سرگرمیوں کو بڑھانے کےلئے کئی مرکزی سکیموں کو لانچ کیا گیا۔ ملاقات کے دوران جموں اور کشمیر سے تعلق رکھنے والے صحافیوںنے گورنر موصوف کو جموں کشمیر میں تعمیر و ترقی کے بریف کیا۔ صحافیوںنے بتایا کہ جموں کشمیر میں گزشتہ پانچ برسوں میں تعمیر و ترقی کا نیا دور شروع ہوا اور امن و سلامتی کی صورتحال بہتر ہونے کے بعد وادی کشمیر میں سیاحتی شعبہ کس طرح سے ترقی کی طرف بڑھ رہا ہے۔ صحافیوںنے انہیں بتایا کہ گورنر موصوف تلنگانہ کے عوام کو کشمیر جانے کےلئے راغب کریں۔ انہوں نے بتایا کہ بہت جلد سرینگر سے حیدر آباد تک ریل کے ذریعے لوگ آجاسکتے ہیں۔جموں کشمیر کے صحافیوںنے گورنر کو بتایا کہ جموں کشمیر میں لوگ کس طرح سے اب بے خوف رات دیر تک سڑکوں پر نظر آتے ہیں جبکہ اس سے پہلے یہ ناممکن تھا۔ انہوںنے بتایا کہ جموں کشمیر میں فلم پالیسی کے نفاذ کے بعد فلم انڈسٹری کی جانب سے کشمیر کی طرف خصوصی توجہ دی جارہی ہے۔گورنر موصوف نے کشمیری صحافیوں سے بات کرتے ہوئے کشمیر ی ثقافت ، تہذیب ، زبان اور کلچر کی تعریف کرتے ہوئے کہا کہ وادی کشمیر دنیا میں جنت کہلاتا ہے اور یہ خطہ خوبصورت ہے جہاں لوگوں کو جانا چاہئے۔ا نہوںنے یقین دلایا کہ وہ کوشش کریںگے کہ تلنگانہ سے زیادہ سے زیادہ سیاح کشمیر کی سیر پر جایا کریں۔ واضح رہے کہ جموں کشمیر کے صحافیوں کےلئے تلنگانہ کا دورہ پی آئی بی کی جانب سے منعقد کیا ہے جس میں ایک ریاست کے صحافیوں کو دوسری ریاست میں لے جایا جاتا ہے تاکہ وہ حکومت کی پالیسیوں اور پروگراموں کے نفاذ کو سمجھ سکیں۔ زمینی سطح وفد کی سربراہی پی آئی بی حیدرآباد کی ایڈیشنل ڈائریکٹر جنرل شروتی پاٹل اور پی آئی بی سری نگر کے ڈپٹی ڈائریکٹر شری طارق راتھر کررہے ہیں۔ صحافیوں کے لیے ایسے دوروں کے انعقاد میں پی آئی بی کے اقدام کو سراہتے ہوئے، معزز
گورنر نے کہا کہ “آج کے مواصلاتی اور اعلیٰ درجے کی صحافت کے دور میں، اس طرح کے دورے بہت اہم ہیں۔ حکومت کے بہترین طریقوں کا مشاہدہ کرنے کے لیے اضلاع کا دورہ کرنا اور ان تعلیمات کو ان کی اپنی ریاستوں میں واپس لے جانا ہمارے جمہوری سیٹ اپ کو مضبوط کرنے میں مدد کرتا ہے۔میڈیا وفد کے ہفتہ بھر کے سفری پروگرام میں INCOIS، NIN، NSTI جیسے قومی اداروں کا دورہ اور مختلف سرکاری اسکیموں کے استفادہ کنندگان سے بات چیت شامل ہے۔ وفد میں جموں و کشمیر کے روزناموں جیسے ایکسلشر، ایشین میل، کشمیر مانیٹر، گڈیال، کشمیر ابزرور، برائٹر کشمیر، اسٹیٹ ٹائمز، روزنامہ اسٹیٹ سماچار اور اڑان کے صحافی شامل ہیں۔ یاد رہے کہ جموں کشمیر کے خبارات سے جڑے میدان، رپورٹروں نے گزشتہ روز این آئی این انسٹچیوٹ کا دورہ کیا جہاں انہیں نیوٹریشن سے متعلق جانکاری دی گئی۔ وفد کے تیسرے دن کی سرگرمیوں میں آج کی تلنگنانہ کے گورنر سے ملاقات کافی اہم سرگرمیوں میں تھی
