نشہ مکت جموں و کشمیر مہم کے تحت سری نگر کے وزیر باغ یوتھ ہاسٹل میں واقع فینسنگ ہال میں انٹر اسکول ضلعی سطح کے فینسنگ اور آرچری مقابلہ جات و سلیکشن ٹرائلز کا آغاز کیا گیا۔
مقابلوں کا افتتاح ڈائریکٹر جنرل یوتھ سروسز اینڈ اسپورٹس جموں و کشمیر انورادھا گپتا نے کیا۔ افتتاحی تقریب کا آغاز اینٹی ڈرگ حلف برداری سے ہوا، جس کی قیادت ڈی جی یوتھ سروسز اینڈ اسپورٹس نے کی۔
اس موقع پر جوائنٹ ڈائریکٹر یوتھ سروسز اینڈ اسپورٹس کشمیر محمد راشد کوہلی، ڈسٹرکٹ یوتھ سروسز اینڈ اسپورٹس آفیسر سری نگر غلام حسن لون اور محکمہ کے دیگر سینئر افسران بھی موجود تھے۔
مقابلوں میں سری نگر کے مختلف اسکولوں سے تعلق رکھنے والے انڈر-14، انڈر-17 اور انڈر-19 عمر کے لڑکے اور لڑکیاں حصہ لے رہے ہیں۔ نوجوان کھلاڑیوں کی بھرپور شرکت سے ایونٹ میں جوش و خروش کا ماحول دیکھنے کو مل رہا ہے۔
اس موقع پر خطاب کرتے ہوئے ڈی جی یوتھ سروسز اینڈ اسپورٹس نے نوجوانوں پر زور دیا کہ وہ محکمہ کی جانب سے فراہم کیے جانے والے مواقع سے بھرپور فائدہ اٹھائیں تاکہ اپنی کھیل صلاحیتوں کو نکھار سکیں اور منشیات سے پاک معاشرے کی تشکیل میں اپنا کردار ادا کریں۔
انہوں نے کہا کہ کھیل نوجوانوں کو جسمانی طور پر صحت مند، ذہنی طور پر مضبوط اور منشیات جیسی سماجی برائیوں سے دور رکھنے میں اہم کردار ادا کرتے ہیں۔
یہ مقابلے 12 مئی 2026 تک جاری رہیں گے، جن میں 400 سے زائد طلبہ کی شرکت متوقع ہے۔ ان مقابلوں کا انعقاد ضلع یوتھ سروسز اینڈ اسپورٹس آفس سری نگر کی جانب سے کیا جا رہا ہے۔
Forest Department Employee Dies of Heart Attack at Doodhpathri, Srinagar Mourns Loss
Srinagar, Jun 23 (JKNS): A wave of grief swept through the Maloora area of Srinagar on Monday following the...
Read more
