پاکستان کبھی بھی کشمیراور کشمیری عوام خاص کر نوجوانوں کا خیر خواہ نہیں رہا ہے ۔ اس ملک نے ہمیشہ ہی کشمیری نوجوانوں کا استحصال کیا ہے ۔ پاکستان نے کشمیرکو اپنے سیاسی فائدے کےلئے بین الاقوامی سطح پر اُجاگر کیا جس سے اسے بین لاقوامی ہمدردی کی امید تھی۔ شروع سے ہی پاکستانی قیادت نے کشمیریوں کو بھارت سے آزادی دلانے اور حق خود ارادیت کےلئے ان کی جدوجہد میں حمایت کا اعلان تو کیا لیکن زمینی سطح پر پاکستان نے جو اقدامات اُٹھائے اس میں اس کو ملکی فائدہ کے سوا کچھ غرض نہیں تھا ۔ پاکستان نے کشمیر میں کئی دہائیوں تک شورش کو ہوا دی جس کے نتیجے میں یہاں پر ہزاروں نوجوان اپنی جانوں سے ہاتھ دھو بیٹھے جبکہ ہزاروں کی تعداد میں پابند سلاسل بن گئے ۔پاکستان نے کشمیری نوجوانوں کو بھڑکانے کےلئے جوشیلے بیانات جاری کئے اور اس کے سیاستدانوں نے اپنے سیاسی مقصد کےلئے کشمیری نوجوانوں کا استعمال کیا ۔ مسئلہ کشمیر جو گزشتہ ستر برسوں سے ایک سلگتا ہوا انگکارہ رہا ہے کو پُر امن طریقے سے حل کرانے کی کوششوں کے بجائے پاکستان نے کشمیری نوجوانوں کے ہاتھوں میں بندوق تھمادی اور ان کو خون خرابے کا ذریعہ بنایا گیا ۔ پاکستان نے کشمیری نوجوانوں کو عسکریت میں دھکیل کر ایک ایسے چکرویو میں پھنسا کے رکھا جس سے ان کا باہر آنا مشکل ہوتا گیا جو خطے میں خون ریزی ، مار دھاڑ اور قتل غارت گری کا موجب بن گیا ۔ تشدد کی وجہ سے نہ صرف ہزارہا جانیں تلف ہوئیں بلکہ نوجوانوں کا مستقبل بھی خراب ہوتا گیا وہ تعلیم سے محروم ہوتے گئے اور خطے میں بے روزگاری بڑھتی گئی ۔ اس کے ساتھ ساتھ نوجوانوں کےلئے ترقی کے مواقعے بھی محدود ہوتے گئے ۔ پاکستان نے کبھی بھی خطے کی معاشی ترقی کےلئے کوئی اقدام نہیں اُٹھایا اگرچہ اس کا یہ دعویٰ ہے کہ وہ کشمیری قوم کی فلاح و بہبود کا خواہاں ہے لیکن زمینی سطح پر اس ملک نے کشمیر کو تباہی کے دہانے پر پہنچایا تھا ۔ ترقی اور خوشحالی کے وعدوں کے باوجود، پاکستان نے خطے کی معیشت کو بہتر بنانے یا اپنی نوجوان آبادی کو بہتر مواقع فراہم کرنے کے لیے ضروری وسائل میں سرمایہ کاری نہیں کی۔کشمیر میں پاکستان نے جو تباہی مچائی اس سے یہ خطہ بھارت کے دیگر شہروں کے نسبت تعمیر و ترقی کے لحاظ سے کافی پیچھے رہا ۔ پاکستان کے اندرونی حالات سے توجہ ہٹانے کےلئے اس ملک کے سیاسی لیڈران کشمیر مسئلہ کو بار بار اُٹھاتے ہیں تاکہ ملکی سطح پر جو حالات ہیں عام لوگوں کی توجہ اس طرف نہ جائے ۔وقت وقت پر پاکستان نے کشمیر کاز کو زندہ رکھنے کےلئے کشمیری نوجوانوں کے جذبات کو اُبھارنے کی کوشش کی تاہم اب کشمیری نوجوانوں کو یہ احساس ہوگیا ہے کہ یہ ملک یہاں کے عوام کے ساتھ کسی بھی قسم کی ہمدردی نہیں رکھتا بلکہ اپنے مفاد کی خاطر کشمیری نوجوانوں کا استحصال کرتا ہے ۔ پاکستان نے ایسے حربے اپنانے جن سے کشمیری عوام کو یہ احساس ہوا کہ پاکستان مکروہ چالوں سے کشمیری عوام کو راہ راست سے بھٹکارہا ہے ۔ پاکستان نے بارہا مسئلہ کشمیر کو بین الاقوامی پلیٹ فارمز پر اٹھانے اور ان کے مقصد کے لیے عالمی حمایت حاصل کرنے کا وعدہ کیا ہے۔ تاہم یہ کوششیں بڑی حد تک ناکام ہو چکی ہیں۔ پاکستان کو عالمی سطح پر کشمیر سے متعلق اب کوئی حمایت حاصل نہیں ہے ۔ اب کشمیری نوجوان بھی اس بات سے باخبر ہیں کہ عالمی سطح پر پاکستان کی بات پر اب کوئی کان نہیں دھرتا ۔پاکستان نے گزشتہ تین دہائیوں سے جو کھیل کشمیری میں کھیلا جس کےلئے کشمیری عوام خاص کر نوجوانوں کا استعمال کیا گیا اب اس سے کشمیری نوجوان تنگ آچکے ہیں اور وہ اپنے مستقبل کو سنوارنے ، خطے کی تعمیر و ترقی اور امن و سلامتی میں اپنا رول اداکررہے ہیں ۔ اب کشمیری نوجوان اپنے خوابوں کو پورا کرنے کےلئے بندوق کے بجائے کتابوں اور کمپوٹر کا سہارا لیتے ہیں ۔ اب یہاں کے نوجوان پاکستان کے بہکاوے میں آنے کے بجائے سوجھ بوجھ سے کام لیتے ہیں ۔ آج ہم دیکھ رہے ہیں کہ کھیل کے میدان سے لیکر سیاسی میدان تک کشمیری نوجوان اپنے کارکردی کا مظاہرہ کررہے ہیں اور کامیابی سے ہمکنار ہورہے ہیں یہی پاکستان کے حربوں کا موثر جواب ہے ۔
Dussehra in Kashmir: A Message of Harmony, Hope and Righteousness
Arshid Rasool Dussehra, also known as Vijayadashami, is one of India’s most significant festivals, symbolising the victory of good...
Read more
