ضلع ترقیاتی کمشنر سرینگر محمد اعجاز اسد نے کو گورنمنٹ ایس پی ہائر سیکنڈری اسکول میں مرکزی وزارت اطلاعات و نشریات کے سینٹرل بیورو کیمونکیشن کے زیر اہتمام5 روزہکثیر البلاغ نمائش کے تیسرے دن کی تقریب کی صدارت کی۔9 سال،سیوا سوشاسن غریب کلیان(بہتر سرکار ی خدمات برائے فلاح افلاس) کے تھیم پر ملٹی میڈیا نمائش 10 سے 14 جولائی تک چل رہی ہے تاکہ مختلف عوامی فلاحی اسکیموں کے بارے میں عوامی بیداری کے ساتھ ساتھ ملک کی جامع ترقی کے لیے مختلف شعبوں میں حکومت کی طرف سے کی گئی پیش رفت کو ظاہر کیا جا سکے۔اس مقعہ پر ڈپٹی کمشنر سرینگر اعجاز اسد نے افسران، طلبائ، اساتذہ اور ترقی پسند کسانوں کے ایک اجتماع سے خطاب کرتے ہوئے کہا کہ حکومت کی فلاحی اسکیمیں ہر گھر پر اثر انداز ہوتی ہیں۔انہوں نے آیوشمان بھارت ، صحت اور پی ایم کسان کا خصوصی حوالہ دیتے ہوئے کہا کہ اس طرح کی اسکیمیں شہریوں کی زندگی کو آسان بنا رہی ہیں۔تاہم انہوں نے کہا کہ ان اسکیموں کے بارے میں عوامی بیداری کا فقدان ہے۔ انہوں نے نوجوانوں بالخصوص طلباءپر زور دیا کہ وہ ان فلاحی اسکیموں کے برانڈ سفیربنیں اور اپنے خاندانوں اور برادریوں کو فوائد حاصل کرنے میں مدد کریں۔ ڈی سی سرینگر نے کہا کہ حکومت کی نو سالہ کامیابیوں پر ملٹی میڈیا نمائش اس ترقی کی عکاسی ہے جو ہمارے اردگرد نظر آتی ہے۔ دبئی میں مقیم عمار گروپ کی سرمایہ کاری کا خصوصی ذکر کرتے ہوئے اعجاز اسدنے کہا کہ اس طرح کے منصوبوں سے تعلیم یافتہ نوجوانوں کے لیے روزگار کے مواقع پیدا ہوں گے۔انہوں نے شرکاءپر زور دیا کہ وہ کثیر البلاغ نمائش کے بارے میں عوام کو آگاہ کریں تاکہ زیادہ سے زیادہ لوگ اس سے فائدہ اٹھا سکیں۔ڈپٹی کمشنر نے عوامی آگاہی اور خدمات کی موقع پر فراہمی کے لیے لگائے گئے محکمانہ سٹالز کا بھی دورہ کیا۔ سینٹرل بیورو کیمونکیشن کے جوائنٹ ڈائریکٹر، سی بی سی، جموں و کشمیر اور لداخ غلام عباس نے نمائش کا دورہ کرنے کے لیے بڑی تعداد میں شرکت کرنے پر تمام متعلقین اور شرکاءکا شکریہ ادا کیا۔ انہوں نے مہمانوں کو سی بی سی کے رابطہ عامہ پروگراموں کے مقاصد کے بارے میں آگاہ کیا اور طلباءپر بھی زور دیا کہ وہ اپنی جوانی کی توانائیاں معاشرے کے غریب اور کمزور طبقات کی بہتری کے لیے وقف کریں۔ انہوں نے کہا کہ حکومت نے پچھلے نو سال غریبوں اور پسماندہ لوگوں کی خدمت کے لیے وقف کیے ہیں۔ انہوں نے کہا کہ ہم صرف اپنی اجتماعی کوششوں سے اپنے مقصد، امرت کال کے ہدف کو حاصل کر سکتے ہیں۔تقریب کا تیسرا دن کسانوں کی فلاح و بہبود کے لیے شروع کی گئی اسکیموں سے آگاہی کے لیے وقف تھا۔ چیف ایگریکلچر آفیسرمنوہر لال شرما نے محکمہ زراعت اور کسانوں کی بہبود کی سرگرمیوں اور کامیابیوں کے بارے میں بتایا۔ زراعت اور باغبانی کے محکموں کے ساتھ ساتھ مالیاتی خواندگی کے مرکز کے ریسورس پرسن نے بھی تقریب سے خطاب کیا۔ چیف ایجوکیشن آفیسر سری نگر محمد شبیر کے ساتھ ساتھ پرنسپل، گورنمنٹ، ایس پی ہائر سیکنڈری سکول نثار احمد نے بھی انکے تقریب میں شرکت کی۔اس سے پہلے دن میں طلباءکے لیے ایک کھلا کوئز مقابلہ منعقد کیا گیا اور سینٹرل بیورو کیمونکیشن کے منتخب نجی رجسٹرڈ ٹروپ نے سینٹرل بیورو کیمونکیشن کی مربوط کمیونیکیشن اور آو ¿ٹ ریچ پالیسی کے ایک حصے کے طور پر موضوع پر مبنی ثقافتی پروگرام پیش کیے تھے۔اس موقع پر سینٹرل بیورو کیمونکیشن کے ، فیلڈ پبلسٹی آفیسر شاہد محمد لون نے بتایا کہ نمائش کے آخری دن کی کارروائی کی صدارت ڈائریکٹر ایجوکیشن کشمیر ڈاکٹر تصدق حسین میر کریں گے اور تعلیمی شعبے میں پروگراموں اور اسکیموں کے بارے میں آگاہی فراہم کی جائے گی۔
