گاندربل//زبیر تانترے//اسلامیہ حنفیہ ماڈل ہائی سکول وتہ لار گاندربل میں سالانہ کراس کنٹری روڈ ریس کو ایس ایچ او لار گلزار احمد نے جھنڈی دکھا کر وائل سے وتہ لار تک روانہ کیا۔ ریس میں مختلف سکولوں کے سو سے زائد طلباء نے حصہ لیا۔ ایس ایچ او لار گلزار احمد، میڈیکل سپرٹینڈنٹ میٹرنٹی ہسپتال وتہ لار ڈاکٹر محمد یاسین بھٹ اور صائم مصطفیٰ اس موقع پر مہمان خصوصی تھے۔ جیتنے والوں کو ٹرافیاں اور میڈلز، اسناد سے نوازا گیا۔ اس موقع پر ایس ایچ او نے والدین اور اساتذہ پر زور دیا کہ وہ اپنے بچوں کو روشن مستقبل کی طرف ڈھالیں اور ان کے ساتھ دوستوں جیسا سلوک کریں۔ انہوں نے شرکاء سے بھی اپیل کی کہ وہ معاشرے کے ساتھ ساتھ ملک سے سماجی برائیوں سے نمٹنے کے لیے پولیس کے ساتھ تعاون کریں۔ ڈاکٹر محمد یٰسین نے شرکاء سے بھی اپیل کی کہ وہ اپنے بچوں کی صحیح رہنمائی کریں اور مناسب تعلیم فراہم کریں، ان کے دلوں میں اپنے ملک کے لیے محبت پیدا کریں۔
