آج یہاں سمن بل بدرن میں گلشن کلچرل فورم کشمیر نے اکیس رمضان المبارک کے سلسلے میں یوم غفران کا انعقاد کیا ہے۔ اس پر وقار مجلس میں سیرت حضرت علی اور عظمت رمضان کے ساتھ ساتھ نعت خوانوں اور شعرائے اسلام نے گلہاے عقیدت پیش کۓ۔ مختلف نشستوں کی صدارت بالترتیب شہناز رشید، غلام حسن بابا اور سید بشیر کوثر نے کی۔ جن کے ساتھ صدارتی ایوان میں شیخ غلام رسول، رحیم رہبر اور گلشن بدرنی بھی موجود تھے۔ نظامت کے فرایض خورشید خاموش نے انجام دیۓ۔ لطیف نیازی نے خطبہ استقبالیہ پیش کیا جبکہ مقبول شیدا نے تحریک شکرانہ ادا کیا۔ غلام حسن بابا اور سید بشیر کوثر نے سیرتی خطبات پیش کیۓ مشاعرے میں جن نمایندہ شاعروں نے اپنا نعتیہ کلام پیش کرنے کی سعادت حاصل کی ہے ان میں ساگر نزیر، ممتاز گوپھبلی، شہزاد منظور، مقبول شیدا، لطیف نیازی، لسہ صاب، مولوی عرفان، ادریس بدرنی، اور خورشید خاموش شامل ہیں۔ درجنوں مقامی بچوں نے نعت خوانی میں شمولیت کی۔ یاد رہے یوم غفران کے اس موقعے پر تقریب پر موجود شرکا نے اپنے اسلافوں کے تعیں دعایہ مجلس میں بھی شرکت کی۔ جو اس مقدس مجلس کا ایک نمایاں پہلو تھا۔
محمد ادریس
میڈیا سیکریٹری
گلشن کلچرل فورم کشمیر
