اننت ناگ 15جولائی/جے کے این ایس/ جاوید گل ۔
ضلع ہیڈکواٹر اننت ناگ سے محض چار کلومیٹر کی دوری پر واقع کھیری پورہ گوری نامی گاؤں کو اننت ناگ سے ملانے والے واحد رابطہ پُل کو اگرچہ پانچ سال قبل تعمیر کیا گیا، تاہم سڑک کی عدم دستیابی کے باعث مزکورہ پُل ہاتھی کے دانت، کھانے کے اور دیکھانے کے اور ، کے مانند بن کے رہ گیا ہے، مقامی لوگوں کو پُل کا فائدہ نہ پہنچنے پر وہ ضلع ترقیاتی کمشنر اننت ناگ کے دفتر کے باہر دھرنے پر بیٹھ گئے ،جے کے این ایس نمائندے جاوید گل کے مطابق 150 گھرانوں پر مشتعمل ماہی گیروں کی بستی کو ضلع ہیڈکواٹر سے ملانے کی غرض سے اگرچہ چار سال قبل محکمہ تعمیرات عامہ کی جانب سے زرہ کثير صرف کر کے ایک رابطہ پُل تعمیرکیا گیا تاہم پُل کو جانے والی سڑک جنگلات کی اراضی پر آنے کے باعث سڑک کو وجود نہیں بخشا جا سکھا ، جو اس بات کا واضح ثبوت ہے کہ مزکورہ پُل کی تعمیر کے نام پر بلاوجہ سرکاری خزانے سے موٹی رقم نکالی گئ اور جس مقصد کے لئے پُل بنایا گیا تھا اُس کا کوئی ثمر حاصل نہیں ہوا اور اس طرح سے یہ پُل مقامی آبادی کے لئے محض مزاق بن کے رہ گیا ہے چناچہ تنگ آمد بہ جنگ آمد کے مصداق لوگ ڈی سی آفس اننت ناگ کے باہر احتجاج کرنے پر مجبور ہوگئے ،احتجاج میں شامل لوگوں نے نمائندے کو بتایا کہ سڑک نہ ہونے کے باعث انہیں طرح طرح کے مشکلات ومصائب سے دوچار ہونا پڑرہا ہے ۔حتٰاکہ رابطہ سڑک کی غیرموجودگی سے پہلے ہی کہی اموات ہوچکی ہیں ، احتجاجیوں کا مزید کہنا ہے کہ ضلع انتظامہ کو اس بارے میں کہی بار آگاہ بھی کیا گیا تاہم کسی کے کان پر جوُ تک نہیں رینگی ، انہوں نے اس حوالے سے ضلع ترقیاتی کمشنر اننت ناگ کو ایک یاداشت پیش کر کے مداخلت کرنے کی اپیل کی ہے
